ب / خودانێ ڤێ پسيارێ دێ زه‌كاتا بازرگانيێ (2.5%) ده‌ت، و زه‌كاتێ ل پانزين و كه‌ره‌ستێت دى ناده‌ت، و هه‌كه ده‌مێ زه‌كاتا وى هات ـ كا ئه‌و كه‌نگى و كيژ هه‌يڤێ زه‌كاتا خۆ دده‌ت ـ كا چ پاره هه‌يه دێ هه‌ژمێريت، و كا چ په‌نزين و تشتێت دى ژى ماينه، يێت خه‌زنكرى ديسا دێ حسێبكه‌ت، كا بهايێ وان چه‌نده، و دگه‌ل پارێت خۆ دێ حسێبكه‌ت و زه‌كاتێ دێ ل هه‌ميێ پێكڤه ده‌ت، و ئه‌و ئامويره و ده‌زگه‌هێت نه بۆ كرين و فرۆتنێ و يێت بنه‌جه و شۆل به‌رده‌وام بۆ پێدڤى حسێب ناكه‌ت، به‌س ئه‌و تشت نه‌بن يێت به‌رهه‌ڤ و به‌رچاڤكرى بۆ فرۆتنێ، و گاز و په‌نزين و غاز زه‌كات لێ ناكه‌ڤيت هه‌كه ده‌وله‌ت خودان بيت و يێت ده‌وله‌تێ بن؛ چونكى به‌راهيك و دويماهيكا ده‌وله‌تێ دێ هه‌ر ده‌ته وان ئه‌وێت زه‌كات پێ دچيت و بۆ دكه‌ڤيت، و كه‌سێ نه‌گۆتيه زه‌كات لێ دكه‌ڤيت هنده ڤه‌كۆله‌رێت ئابۆرزان يێت سه‌رده‌م نه‌بن، وه‌كى: دكتۆر شه‌وقي ئيسماعيل شه‌حاته، و دكتۆر محه‌مه‌د شه‌وقى فنجه‌رى.
به‌لێ هه‌كه بيرا وان يا كه‌سه‌كى بيت يان كۆمپانيه‌كێ، ئانكو كه‌رتێ تايبه‌ت بيت زه‌كات لێ دكه‌ڤيت و رێژه‌يا زه‌كاتێ ژى پێنجێكه، ئانكو (20%) نه (2.5%) و خودێ چێتر دزانيت.
