ب / هه‌كه ئێكى پارێت وى د شه‌ريكه‌كێدا بن، يان د به‌نكه‌كێدا و نوزانيت كا چه‌ند پاره ب دورستى هه‌نه؛ چونكى ئه‌و جه جه‌ردێت خۆ سه‌رێ سالێت زايينى دكه‌ن.. هنگى بۆ وى گونه نينه ئه‌و زه‌كاتا خۆ گيرۆكه‌ت هه‌تا ب دورستى بزانيت كا چ پاره هه‌يه، به‌لێ دگه‌ل هندێ ژى پێدڤيه ل سه‌ر وى ئه‌و هه‌يڤه‌كا عه‌سمانى بۆ خۆ ده‌ستنيشان بكه‌ت ئه‌و سه‌رسالا زه‌كاتا ويه، و هه‌ر گاڤا پارێت خۆ وه‌رگرتن يان زانين كا چه‌ندن، ئێكسه‌ر ئه‌و دێ زه‌كاتا خۆ ده‌ت، ل سه‌ر وێ هه‌يڤا ده‌ستنيشاكرى، و گيرۆبوون بۆ وى گونه‌ه نينه، چونكى نه ب ده‌ستێ وى بوو، و ديسا دڤێت مرۆڤێت خۆ ژى ئاگه‌هداركه‌ت هه‌يڤا زه‌كاتا وى ئه‌ڤ هه‌يڤه‌يه؛ دا هه‌كه خودێ نه‌كه‌ت تشته‌ك ب سه‌رى هات، مرۆڤێت وى بزانن زه‌كاتا كه‌فتيه سه‌ر، و زه‌كاتا وى بده‌ن، و زه‌كات ل سه‌ر نه‌مينيت و خودێ چێتر دزانيت.
