ب / دڤێت جارا ئێكێ ئه‌م بزانين كۆمپانيێت هه‌ڤپشك كيشكن، ئه‌ون يێت سه‌رمالێ وان نه يێ مرۆڤه‌كى ب تنێ بيت، به‌لكى يێ كۆمه‌كا مرۆڤايه، و دڤێت هه‌مى پشك (سهم) هندى ئێك بن، و هه‌مى پشكداران وه‌كى ئێك ماف هه‌بيت، و ئه‌و پشك نه‌ئێته پارچه پارچه‌كرن و بێته دان و ستاندن، ئانكو: بێته كرين و فرۆتن، هه‌كه ئه‌ڤ مه‌رجه هه‌بوون هنگى ئه‌م دشێين بێژين ئه‌ڤه كۆمپانيا هه‌ڤپشكه، و زه‌كاتا ڤان پشكان ئه‌وێت د ڤان ره‌نگه كۆمپانياندا دويف ئنيه‌تا خودانێ ڤان پشكانه، هه‌كه ئنيه‌تا وى كرين و فرۆتنا وان سه‌همان بيت.. هنگى ئه‌و بازرگانه و دڤێت زه‌كاتا بازرگانيێ بده‌ت، و هه‌كه ده‌مێ زه‌كاتا وى هات ئه‌و پشكێت خۆ دێ بهاكه‌ت ـ بهاكرنا رۆژێ ـ و كا چه‌ند كه‌فت دێ هاڤێته سه‌ر پارێت خۆ يێت دى و دێ (2.5) ژ سه‌دێ زه‌كاتێ ده‌ت، و هه‌كه ئنيه‌تا وى ب وان سه‌همان نه‌بازرگانى و كرين و فرۆتن بيت.. هنگى كا چ ژ وان پشكان دبيته فايده و دهێت دێ زه‌كاتێ ل وان ده‌ت نه سه‌همان و خودێ چێتر دزانيت.
