ب / خودێ پتر به‌ره‌كه‌تێ بێخيته مالێ ته، و هيڤى دكه‌م خودێ هاريكاريا ته بكه‌ت بۆ شوكركرنا هه‌ژى و پێدڤى دا خودێ پتر ل ته زێده‌كه‌ت، خودايێ مه‌زن دبێژيت:((وَإِذْ تَأَذَّنَ رَبُّكُمْ لَئِن شَكَرْتُمْ لَأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ )) ئانكو: ئه‌گه‌ر هوين شوكر و سوپاسيا خودێ بكه‌ن، ئه‌ز دێ نيعمه‌تێت خۆ ل هه‌وه زێده‌كه‌م, و ئه‌گه‌ر هوين چاڤكۆره‌ييێ بكه‌ن، و نيعمه‌تێت من نه‌ئيننه به‌ر چاڤێت خۆ (ئانكو شوكرا نيعمه‌تێت من نه‌كه‌ن) هنگى بزانن ئيزايا مه يا گران و دژواره.
و ئێك ژ رامانێت شوكركرنێ دانا زه‌كاتا ماليه ب ره‌نگێ هه‌ژى و پێدڤى. پشتى ڤێ.. هه‌ر عه‌رده‌كێ ته هه‌ى و نه‌يێ فرۆتنێ بيت زه‌كات لێ ناكه‌ڤيت ـ كێم بيت يان گه‌له‌ك ـ، و هه‌كه ته ئنيه‌تا فرۆتنا وى عه‌ردى نه‌بيت ـ چه‌م بيت يان ره‌ز يان سه‌يرانگه‌ه ـ زه‌كات لێ ناكه‌ڤيت، به‌لێ هه‌كه ته ئه‌و عه‌رد بۆ فرۆتنێ كرى بن و بۆ زێده‌كرنا مالێ خۆ دڤێت زه‌كاتا وى عه‌ردى بده‌ى، و ئه‌و پارچێت عه‌ردى ئه‌وێت ته هه‌ين هه‌كه بۆ ئاڤاكرنێ بن بۆ ئاكنجيبوونێ و نه بۆ فرۆتنێ بن، يان ژى دا پرۆژه‌كى ل سه‌ر ئاڤاكه‌ى بۆ به‌رهه‌مئينانێ، نه بۆ فرۆتێ، ديسا تو زه‌كاتا وان پارچا ناده‌ى، به‌لێ هه‌رده‌مێ ته ئنيه‌تا خۆ به‌دلكر و ته ئنيه‌تا فرۆتنێ ئينا، هنگى دآ ژ مالێ بازرگانيێ هێته هژمارتن و زه‌كات لێ دكه‌ڤيت، و عه‌ردێ ته فرۆت دێ زه‌كاتا وى ده‌ى، و هه‌كه نه‌هاتنه فرۆتن دێ هێنه بهاكرن ژ لايێ شاره‌زايێت بسپۆر و تايبه‌تمه‌ندڤه و (2.5%) دێ ژێ ده‌ى و خودێ چێتر دزانيت.
