ب / ده‌سپێكێ دوعا به‌ره‌كه‌تێ بۆ ته دخوازم، و ده‌ستخۆشيێ ل ته دكه‌م، تو يێ هشيار و رژد بى ل سه‌ر پشكا خودێ، ئه‌ڤه دێ به‌ره‌كه‌تێ ئێخيته كارێ ته، و رزقێ ته، ب ئانه‌هيا خودێ.
دويف ره‌ئيا جمهورێ زانايان زه‌كات ل سه‌ر زه‌رزه‌واتى نينه ـ چه‌ند بيت، گه‌له‌ك بيت يان پيچه‌ك بيت ـ خۆ هه‌كه ب دۆنه‌مان بيت، به‌لێ ل ده‌ف وان ئه‌و پارێ ژێ دهێت زه‌كات لێ دكه‌ڤيت هه‌كه گه‌هشته بهايێ هه‌شتێ و پێنج غرامێت زێرى و سال ب سه‌رڤه چۆ هنگى (2.5 %) دێ ژێ ده‌ى، و ل ده‌ف ئيمام ئه‌بو حه‌نيفه (خودێ ژێ رازي بيت)زه‌كات لێ دكه‌ڤيت، دڤيت (5%) ژێ بده‌ي هه‌كه ئاڤدان ب ده‌ستا بيت و نه ب بارانان بيت، و (10%) دێ ژێ ده‌ي، هه‌كه ب بارانان دهێته ئاڤدان، و هه‌كه ته كره پاره ژى هه‌ر دێ وه‌سا ده‌ى و خودێ چێتر دزانيت.
