ب / خودێ به‌ره‌كه‌تێ بێخيته كارێ هه‌وه، دويف مه‌زهه‌بێ شافعي (خودێ ژێ رازي بيت)زه‌كات ل زيتوينان ناكه‌ڤيت، به‌لێ پارێ ژێ دهێت زه‌كات لێ دكه‌ڤيت پشتى دگه‌هيته نيسابێ و ساله‌ك سه‌رڤه دچيت، يان ژي هه‌كه ته نيساب هه‌بيت دێ دانيه دگه‌ل زه‌كاتا پاره‌ى، دێ (2.5%) ده‌ى.. ئه‌ڤه ده‌ف ئيمامێ شافعى، و ئه‌ز ڤى مه‌زهه‌بى ب هێزتر ددانم، به‌لێ ده‌ف ئيمامێ حه‌نه‌فى چه‌ند بن (10%) دێ ژێ ده‌ي هه‌كه ب بارانان دهێنه ئاڤدان، و (5%) هه‌كه هوين مه‌سره‌ف و زه‌حمه‌تێ ب ئاڤدانا وانڤه دبه‌ن. و ده‌ف ئيمام مالك (خودێ ژێ رازي بيت)هه‌كه گه‌هشتنه نيسابێ پێنج باران يان (647) كيلۆيان زه‌كات لێ دكه‌ڤيـت، به‌لێ ژ زه‌يتا ژێ دهێت و هه‌كه كره پاره و نه‌كره زه‌يت (10%) ژ وى پاره‌ى دێ ژێ ده‌ي هه‌كه ب بارانان دهێنه ئاڤدان، و (5%) ژ وى پاره‌ى دێ ده‌ى هه‌كه هوين مه‌سره‌ف و زه‌حمه‌تێ ب ئاڤدانا وانڤه دبه‌ن و خودێ چێتر دزانيت.
