ب / جمهورێ زانايان دگه‌ل هندێنه ئه‌و مه‌سره‌ف و مه‌زاختنا ل چاندنێ و عه‌ردى دهێته‌كرن هه‌تا بێته به‌رى و بگه‌هيته به‌رهه‌مێ خۆ، ناهێته هژمارتن و حسێبكرن، و ژ كۆمێ ناهێته كوشتن، و كێمكرن، پاشى زه‌كات بێته دان، ئه‌ڤه هه‌كه ئه‌و مه‌سره‌ف ژ ده‌ف خۆ كربيت، و هه‌وجه‌ى ده‌ينى نه‌ببيت، به‌لێ هه‌كه ده‌ين كربن بۆ عه‌ردى و كارێ ناف عه‌ردى.. ديسا ده‌ف جمهورێ زانايان ئه‌و ده‌ين ناهێته كێمكرن و كوشتن، به‌لێ ئبن عومه‌ر و ئبن عه‌باس (خودێ ژ هه‌ردوويان رازى بيت) دبێژن: ئه‌و ده‌ينێ بۆ چاندنێ هاتيه‌كرن، دێ ژ به‌ر هێته كوشتن، و يێ ما، دێ زه‌كات لێ هێته‌دان، و تاووس و عه‌تاْ و مه‌كحول و ئيمام ئه‌حمه‌د ژى د ريوايه‌ته‌كێدا خودێ ژ وان رازى بيت، ڤێ دبێژن و ئه‌ز ڤێ بۆچۆنێ ب هێزتر ددانم و خودێ چێتر دزانيت.
