ب/ جمهورێ زانايان دبێژن: زه‌كات ل سه‌ر ويه يێ به‌رێ عه‌ردى بۆ وى، و خودانێ به‌رێ عه‌ردى، و نه ل سه‌ر خودانێ عه‌رديه، ئانكو: ل سه‌ر ويه يێ عه‌رد كرێكرى، چونكى به‌ر بۆ ويه، نه بۆ خودانێ عه‌ردى، له‌وا زه‌كات ل سه‌ر وى دچيت نه ل سه‌ر خودانێ عه‌ردى، هه‌رچه‌نده ئه‌بو حه‌نيفه (خودێ ژێ رازي بيت)دبێژيت: زه‌كات ل سه‌ر خودانێ عه‌ردى دچيت؛ چونكى ئه‌و زه‌كاتا ده‌ردكه‌ڤيت هه‌قێ ئه‌رديه و ئه‌وه خودانێ عه‌ردى، له‌وا دڤێت ئه‌و بده‌ت، ڤێرێ پسيار باشه خودانێ به‌رى كرێگرتى دێ زه‌كاتێ ژى ده‌ت و كرێ ژى ده‌ت، ئانكو: ئه‌ڤه دوو تشت ل سه‌ر وى كۆم بوون و چو ل سه‌ر خودانێ عه‌ردى نه‌كه‌فت، ل ڤێرى هنده زانا دبێژن: بۆ خودانێ به‌رى، ئانكو: كرێگرتى هه‌يه كا چه‌ند كرێ دايه راكه‌ت و يێ ما زه‌كاتێ لێ بده‌ت و خودانێ عه‌ردى ئه‌و كريا وه‌رگرتى هه‌كه دانا دگه‌ل پارێت خۆ و زه‌كات لێ كه‌فت دێ زه‌كاتێ لێ ده‌ت، ئه‌ڤه هۆسا هه‌ردوكان زه‌كات دا و خودێ چێتر دزانيت.
