1ـ حه‌ديسا پێغه‌مبه‌رێ خۆشتڤى (سلاڤێت خودێ لێ بن) ئه‌وا دبێژيت: ((ئه‌ڤرۆ وان ـ ئانكو به‌لنگازان ـ ژ خوازۆكيێ بێ منه‌ت بكه‌ن))، ئانكو: هه‌وجه‌يێت وان بقه‌تينن، ئه‌رێ ئه‌ڤرۆ دێ چ هه‌وجه‌يێت هه‌ژاران قه‌تينيت خوارن يان پاره، و دانا بهاى شوينا قويتى و خوارنێ؟ ئه‌ز دبێژم: ب چاڤ نقى ئه‌م دزانين پاره پتر هه‌وجه‌يان دقه‌تينيت و و پاره دان نه‌موخالفى ئه‌مرێ پێغه‌مبه‌رێ خۆشتڤيه (سلاڤێت خودێ لێ بن)؛ چونكى ئه‌مرێ وى دبێژيت: هه‌وجه‌يێت وان بقه‌تينن و ئه‌ڤه پتر ب پاره‌ى چێدبيت ب هه‌ر تشته‌كێ دى.
2ـ هه‌كه ئه‌م هويرك و ل سه‌ر خۆ به‌رێ خۆ بده‌ينه حيكمه‌ت و ئارمانج و مه‌به‌ست و فه‌لسه‌فا فترێ.. دێ بۆ مه باش و باش ئاشكرابيت دانا پاره‌ى دورسته، و به‌لكى ڤى ده‌مى پتر د خێرا فه‌قيريدايه؛ چونكى مه‌به‌ست و مه‌ره‌م و مه‌خسه‌د ژ فترێ نه‌به‌س فتره‌يه، به‌لكى مه‌به‌ست ژێ جهئينانا ئارمانجه‌كێيه ئه‌و ژى هه‌وجه‌يێت فه‌قير و ژاران بقه‌تيێن، و رۆژا جه‌ژنێ دله‌دلى وان بێته‌دان، و دلێ وان ڤێ رۆژێ بێته خۆشكرن، ئه‌رێ ئه‌ڤ ئارمانج و مه‌خسه‌ده، دێ ب چ جهئێت بێى ئه‌م خۆ زه‌حمه‌ت بده‌ين، هزركرنه‌كا كێم، دێ بۆ مه ديار بيت پاره‌دان پتر د خێرا ڤێ ئارمانجێدايه، و ئه‌گه‌ر وه‌سا بيت دانا پاره‌ى نه‌موخالفى سونه‌تا پێغه‌مبه‌رێ خۆشتڤيه (سلاڤێت خودێ لێ بن) هه‌روه‌كى هنده‌ك دبێژن.
3ـ به‌لگه‌يێ سيێ.. بۆچۆنا سه‌حابان (خودێ ژ هه‌ميان رازى بيت) ده‌مێ ل سه‌رده‌مێ جهگريا موعاويه‌ى بها ده‌رێخستى و نيڤ منا گه‌نمى شوينا منه‌كا خوارنێت دى ده‌رێخستى، و ئه‌ڤه خۆ ب خۆ بهاكرنه، و ژبه‌ر ڤێ ژى تابعيێت ناڤدار حه‌سه‌نێ به‌سرى و عومه‌رێ كورێ عه‌بدولعه‌زيزى و عه‌تائآ كورێ ره‌باحى و زانايێ ناڤدار سوفيانێ سه‌ورى و ئه‌بو حه‌نيفه و هه‌مى زانايێت مه‌زهه‌بێ حه‌نه‌فى و ئه‌شهه‌ب و موحه‌ممه‌دێ كورێ قاسمى ژ مالكيان و بوخارى ژ شافعيان و ئبن ته‌يميه ژ حه‌نبه‌ليان دورست دانان پاره شوينا خوارنێ بێته دان خودآ ژ وان هه‌ميان رازى بيت.
4 ـ يێ به‌رێ خۆ بده‌ته ڤى سه‌رده‌مى و هه‌وجه‌يێت وان.. دێ بۆ دياربيت هه‌وجه‌يێت وان نه هند ب ساناهينه ب دانا خوارنێ بقه‌تيێن و ب جه بێن، و جڤات و مله‌ت يێت هه‌ين (90%) و دبيت پتر خوارنێ ل مالێت خۆ دورست ناكه‌ن، و خوارنا وان هه‌مي يا ل سه‌ر خوارنگه‌هان، باشه هه‌كه تو ده‌خلى يان جه‌هي يا برنجى بۆ ڤان ببه‌ي، ما دێ چ لێ كه‌ن! ئه‌ڤ گه‌ل و جڤاتێت هۆسا چ بۆ هه‌ژاران باشتره پاره يان قويت و خوارن؟! باشه پشتى ڤێ چاوا ئه‌و دبێژن: يێ پارا بده‌ت وى موخالفيا سونه‌تا پێغه‌مبه‌رێ خۆشتڤى (سلاڤێت خودێ لێ بن) كر و خودێ چێتر دزانيت.
