ب / دويف گۆتنا جمهورێ زانايان ل سه‌ر زه‌لامى واجبه ئه‌و فترا ژنا خۆ بده‌ت ـ چ ژنا وى يا هه‌ژار بيت چ يا زه‌نگين ـ و هه‌كه وى شيان هه‌بن، و فترا ژنا خۆ نه‌دا، ئه‌ڤه وى واجبه‌ك هێلا، و هێلانا هه‌ر واجبه‌كى گونه‌هه، و دويف گۆتنا هنده زانايان: ل سه‌ر ژنێ نينه ئه‌و فترا خۆ بده‌ت ـ چ شيان هه‌بن يان نه ـ، چونكى هه‌ر ده‌سپێكێ فترا وێ ل سه‌ر زه‌لامێ وێيه، و هنده‌كێت دى دبێژن: هه‌كه يا هه‌ژار بيت، فترا خۆ ناده‌ت و چو ل سه‌ر نينه، به‌لێ هه‌كه يا هه‌يى بيت، و پێ چێببيت، دڤێت ئه‌و فترا خۆ بده‌ت، و ئه‌ڤه بۆچۆنا هنده شافعيانه و يا حه‌نبه‌ليانه و ل سه‌ر وێ نه‌واجبه، ئه‌و چو ژ زێرێ خۆ بفرۆشيت، هه‌تا فترا خۆ بده‌ت، هه‌كه وێ چو يێ دى نه‌بيت، به‌لێ باشتره بۆ ژنا موسلمان هه‌كه شيان هه‌بن، ئه‌و فترا خۆ بده‌ت، هه‌كه زه‌لامێ وێ فترا وێ نه‌دا؛ دا ژ خيلافێ ده‌ركه‌ڤيت و خودێ چێتر دزانيت.
