ب / مرۆڤێ موسلمان دڤێت ئاگه‌هه ژ خۆ هه‌بيت شه‌يتان وى ژ ئه‌رك و واجب و كارێ خێرێ نه‌ده‌ته پاش، ب چه‌كه‌كێ كارا، ئه‌و ژى پاشيه، هه‌رگاڤا ته كره دلێ خۆ ب ئه‌رك و واجبه‌ك و كاره‌كێ خێرێ رابى، هشياربي شه‌يتان ته ب پاشى ژ وى كارى گيرۆكه‌ت، يان ته بده‌ته پاش، چه‌ند خێر و باشى ژ مه چۆينه و مه نه‌كرينه و مه ئێكسه‌ر نه‌كريه و مه گۆتيه پاشى، هه‌ر ئێك ژ مه هه‌كه هزرا خۆ بكه‌ت ب سه‌دا كارێت باش يێت ڤى ره‌نگى دێ هێنه بيرا وى، ڤێجا بلا به‌س شه‌يتان به‌رده‌وام ب ڤى چه‌كى پاشى بشێته مه، و مه ژ خێرێ و باشيێ بده‌ته پاش.
پشتى ڤێ هه‌ر كراسه‌كێ هه‌بيت دڤێت ئه‌م فترا خۆ بده‌ين، پێغه‌مبه‌رێ خۆشتڤى (سلاڤێت خودێ لێ بن) دبێژيت: ((هه‌ركه‌سێ به‌رى نڤێژا عه‌يدێ دا، ئه‌و زه‌كاته‌كا قه‌بويلكريه، و يێ پشتى نڤێژێ دا، ئه‌و خيره‌كه ژ خێران))، ئه‌ڤه چ رادگه‌هينيت؟ ئه‌ڤه هندێ رادگه‌هينيت فتره ل سه‌ر مرۆڤى نارابيت، و دبيته ده‌ين، و هه‌رگاڤا بيرا مرۆڤى هاتێ، دڤێت بده‌ت، و هندى زويتر بده‌ت باشتره، ڤێجا ماده‌م رۆژا عه‌يدآ بيرا ته هاتێ، و پشتى نڤێژێ ئێكسه‌ر ده‌ربێخه و خۆ گيرۆنه‌كه، دبيت هند فه‌قير هه‌بن هه‌وجه‌يێ بۆ خۆ ژێ ببينن رۆژا عه‌يد و خودێ چێتر دزانيت.
