ب / جمهورێ زانايان دبێژن: حوكمێ زه‌كاتێ و فتران ئێكه، نابيت بێنه دان بۆ نه‌يێ موسلمان بێنه دان ، و زه‌كات و فتره بۆ هه‌ژارێت موسلمانانه.. نه‌هه‌ژارێت دى، و ئه‌ڤه هندێ ناگه‌هينيت باشى و قه‌نجى دگه‌ل وان نه‌هێته‌كرن، ده‌رگه‌هێ باشى و قه‌نجيێ دگه‌ل وان ناهێته گرتن، و دورسته تو ده‌ه جار هندى فترێت خۆ خێر بۆ جيرانێت خۆ يێت مه‌سيحى ببه‌ى، چونكى خودايێ مه‌زن ئه‌مر دكه‌ت: ((لَّا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُم مِّن دِيَارِكُمْ أَن تَبَرُّوهُمْ وَتُقْسِطُوا إِلَيْهِمْ إِنَّ اللَّهَ يُحِبُّ الْمُقْسِطِينَ)) ئانكو: خودێ هه‌وه ژ وان ناده‌ته پاش (و نه‌هيا هه‌وه ژ وان ناكه‌ت) ئه‌وێت (ئه‌و گاورێت) شه‌رێ هه‌وه ژبه‌ر دينێ هه‌وه نه‌كرين، و هوين ژ وه‌لاتێ هه‌وه ده‌رنه‌ئێخستين كو هوين باشى و قه‌نجي و عه‌داله‌تێ دگه‌ل وان بكه‌ن، ب راستى خودێ حه‌ژ عه‌داله‌تكه‌ران دكه‌ت. دگه‌ل ڤێ ژى ئه‌بو حه‌نيفه و زوهرى و ئبن شوبرومه و موحه‌ممه‌د خودآ ژ وان رازى بيت، دورست دكه‌ن، فتره بۆ ئه‌هل ئه‌لكيتاب بێته دان؛ ژبه‌ر ئايه‌تا بۆرى و خودێ چێتر دزانيت.
