به‌رسڤێت ل دۆر رۆژيێ

ب : ب راستی ره‌مزان ده‌رفته‌ك و ده‌مه‌كێ زێرێنه‌ و وه‌ختێ خێر و بێرانه‌ ژ به‌ر هندێ هه‌رۆژ ملیاكه‌ته‌ك گازی دكه‌ت : (يا باغي الخير أقبل ويا باغي الشر أقصر) یا ئه‌وێ خێرخواز وه‌ره‌ خێرا و یا ئه‌وێ گونه‌هخواز به‌سكه‌؛ چونكی ده‌رفه‌تا گونجایه‌ بۆ هه‌ردووكان ئه‌ڤه‌ خێرا زێده‌كه‌ت و ئه‌ڤه‌ گونه‌هان بهێلیت ژبه‌ر كۆ شه‌یتان یێت گرێداینه‌ و ئاسێنه‌ نه‌شێن وی خرابیێ بكه‌ن یا به‌ری ره‌مه‌زانێ دكر، خێران ل به‌ر خێرخوازان گرانكه‌ت و ب زحمه‌ت بێخیت، و گونه‌هان ل به‌ر گونه‌هخوازان شرین و سڤكبكه‌ت؛ ژ به‌ر هندێ ده‌رفه‌ته‌ بۆ هه‌ردویان: ئه‌ڤه‌ به‌ر ب خێرێڤه‌ بهێت و خێران ل خۆ زێده‌كه‌ت، و ئه‌ڤه‌ گونه‌هێ بهێلیت و به‌سكه‌ت و توبه‌بكه‌ت، ڤێجا خوزیێت وی یی ڤێ بزانیت و ڤێ ده‌مێ پیرۆز ب خه‌وێ و له‌شگرانیێ و سستیێڤه‌ ژ خۆ نه‌به‌ت، و ل گه‌ل هندێ ژی زانا هه‌می ئێك ده‌نگن هه‌كه‌ رۆژیگر ده‌مه‌كێ كورت ژی ژ رۆژێ رابیت رۆژیا وی یا دورسته‌ و وێ رۆژیێ قه‌زاناكه‌ته‌ ڤه‌، دێ وێ قه‌زاكه‌ت یا ژ بانگێ سپێدێ هشیار نه‌بووی هه‌تا بانگێ مه‌غره‌ب چ ژ ئه‌گه‌رێ نڤستنێ یان بێ ئاگه‌هیێ و نه‌هشیێ و گێژبوونێ، ڤێجا یێ گه‌له‌ك بنڤیت ئه‌و گه‌له‌ك خێران ژخۆ دبه‌ت، و ڤی ده‌م و ده‌رفه‌تا زێرین ژ خۆ دبه‌ت، و ئه‌م رۆژیگران شیره‌تناكه‌ین ئه‌و گه‌له‌ك ده‌مێ خۆ ب خه‌وێڤه‌ ببه‌ن، چه‌نده‌كا ناڤنجیدار چ نینه‌ به‌لێ یا باش ئه‌وه‌ زێده‌ نه‌بیت؛ دا رابیت خێرا ل خۆ زێده‌كه‌ت قورئان خواندن و سه‌ره‌دان و رابوونا ب ئه‌ركان، و خودێ چێتر دزانیت.