ب : خودێ سلامه‌تیێ بۆ هه‌می نه‌ساخان بده‌ت، یێ به‌ركێت گولچیسكان هه‌ین، و به‌رده‌وام پێدڤی ئاڤێ ببیت، و هه‌كه نه‌ساخیا وی یا دژوار بیت، و نه‌شێت یێ ب رۆژی بیت، و بترسیت رۆژی ئێشا وی گران تر و زێده‌تر لێ بكه‌ت، یان چاره‌سه‌ریا وی گیروبكه‌ت، بۆ هه‌یه رۆژیا خۆ بخۆت و خودێ لێ ناگریت؛ چونكی خودێ دبێژیت هه‌ركه‌سێ نه‌ساخ بیت بلا بخۆت و پاشی بۆ خۆ بگریته ڤه : (فَمَن كَانَ مِنكُم مَّرِيضًا أَوْ عَلَى سَفَرٍ فَعِدَّةٌ مِّنْ أَيَّامٍ أُخَرَ) و هه‌كه نوژدارێ موسلمان و تایبه‌تمه‌ند و جهێ باوه‌ریێ دیاركر ئێشا وی یا دومدرێژه و دڤێت رۆژیا نه‌گریت، و به‌رده‌وام ئاڤێ ڤه‌خوت، هه‌كه ژیانا وی دێ كه‌ڤیته دمه‌ترسێدا، و زیان دێ ل سه‌ر ژیانا وی چێ بیت، هنگی ئه‌و رۆژیا ناگریت و رۆژی ل سه‌ر نینن، و دێ به‌ده‌لێ خورانا هه‌ژاره‌كێ پێش هه‌ر رۆژیه‌كێڤه ده‌ت و خودێ چێتر دزانیت.
