ب : دڤێت ئه‌م بزانین رۆژی نه عیباده‌ته‌كێ ئاساییه وكی كرنا دوو ركعه‌تێت هه‌ر سونه‌كا هه‌بیت، به‌لكی شه‌نگسته‌كێ سه‌ره‌كییه یێ ئیسلامێ، پێغه‌مبه‌رێ خۆشتڤی سلاڤێت خودێ ل سه‌ربن، دبیژیت: ئیسلاما ل سه‌ر پێنج تشتان هاتیه ئاڤاكرن، ئیك ژ وانا رۆژیه، رامانا ڤێ چیه؟ هه‌كه ئه‌م كاروبارێت ئیسلامێ بكه‌ینه پێكه‌ھ پێگه‌ھ، و ل دویف رێز و بهایێ خۆ ئه‌م جوداكه‌ین، رۆژێ ل گه‌ل پێنجێت ئێكێ دهێت، كو شه‌هده‌دان و نڤێژ و زه‌كات و حه‌جه و یا پێتجێ رۆژیه، دڤێت هوسا ئه‌م به‌رێ خۆ ب ده‌ینه رۆژیێ؛ دا نه به‌رامبه‌ر هه‌ر هجه‌ته‌كا هه‌بیت ئه‌م تێدا سست ببین.
خوارنا بێ ده‌ستویری بۆ رۆژه‌كا ره‌مه‌زانێ رامان ژێ ئه‌وه هه‌رفتنا شه‌نگستێت ئیسلامێ و كرنا گونه‌هه‌كا مه‌زن مه‌زن و ئیمامێ زه‌هبی دكه‌بائیرێدا ژ گونه‌هێت مه‌زن دانایه، و دبێژیت: ل ده‌ف موسلمانان رۆژی خوارن بێ ده‌ستویری ژ زینایێ و ڤه‌خوارناعه‌ره‌قێ به‌رده‌وام خرابتره، به‌لكی ب دینێ وی ب گومان دكه‌ڤن و هزرا زندیقیێ پتر لێ دكه‌ن.
پسیار ئه‌رێ ئیمتحان عوزره و دوستویره بۆرۆژی خوارنێ؟ زانایێت مه یێت سه‌نگا خۆ دجیهانا ئیسلامیدا هه‌ین، كه‌سێ ئیمتحان ده‌ستویری نه دانایه، و ئیمتحان ل هه‌می جهان دهێنه‌كرن، و ل هه‌می جهان وه‌كی ئێكه، و ل هه‌می جهان پاشه‌رۆژا قوتابی یا ب ئیمتحاناڤه گرێداییه، و ئه‌ڤه نه ئالوزیه‌كا تایبه‌ته و جهه‌كێ تایبه‌ت تنێ یا هه‌ی، هه‌تا به‌رسڤه‌كا تایبه‌ت بۆ هه‌بیت، و ژ وان ده‌زگه‌هێت ب ئاشكریی گۆتی نابیته ده‌ستویری لژنا هه‌رده‌م یا فه‌توایێ ل عه‌ره‌بستانا سعودی، ژ بلی هه‌لویستێ جودا جودا ژ زانایان ل ڤێرێ و وێراهه، و من كه‌س نه دیتیه ده‌ستویری دابیت ژبلی ده‌زگه‌هێ فه‌توا مصری ئه‌وژی نه ب ره‌نگه‌كێ ڤه‌كری دایه، خورانا رۆژیێ ژ به‌ر ئیمتحانێ دكه‌نه دكراسێ زروره‌تێدا هه‌كه ئه‌ڤ مه‌رجه هه‌بن ده‌ستویریا هه‌ی، نه‌بن ده‌ستویری نینه، ژ وان زیان یا بێ گومان بیت، نه د ناڤبه‌را ئه‌رێ و نه‌رێ دا بیت، دوو هزراپتر ل سه‌ر هندێ بیت هه‌كه یێ ب رۆژی بیت دێ كه‌ڤیت یان ئاستێ داخوازكری نا ئینیت، سێ نه‌شێت پاشڤه ببه‌ت ئانكو ته‌ئجیلكه‌ت هه‌كه ئێك ژ ڤان مه‌رجان نه‌بیت رۆژی خوارن نابیته ده‌ستوری.
و ب راستی ئه‌م ل گه‌ل فه‌توا ده‌زگه‌هێ فه‌توادانا مصرێ نینن، و ئه‌م نابینین ئیمتحان ده‌ستویری بیت بۆ رۆژی خوارنێ، و ئه‌م دبێژین دڤێت یێ ئیمتحان هه‌ی ئنیه‌تا رۆژیێ بینیت، و ژدل و هه‌رگاڤا رۆژا پاشتر دیت وه‌ستیا و زحمه‌ت بۆ چێ بوو، نه‌شێت تمام كه‌ت، هنگی بۆ هه‌یه ب خۆت؛ ژ به‌ر زحممه‌تا زێده، ئه‌مما سه‌رێ رۆژێ بێژیت بیست رۆژیا دێ خۆم دكه‌ڤنه دئیمتحاناندا، و دبیت رۆژه‌كێ ئیمتحان هه‌بیت و چوار رۆژێت دی نه ئه‌ڤه دورست ناكه‌ت رۆژیێ بخۆت.
و ئه‌م دبێژینه وه‌زاره‌تا په‌ره‌وردێ و یا خواندنێت بلند و كاربه‌ده‌ست و به‌رپرسان، ته‌قوا خودێ بكه‌ن، و ئیمتحانێت قوتابیان نه ئیخنه دره‌مزانێدا، و ب رێكبیخن نه كه‌ڤنه دره‌مه‌زانێدا، دا دوعایا پێغه‌مبه‌ری سلاڤێت خودێ ل سه‌ربن ژ هه‌وه بگریت، نه نفرینا وی، پێغه‌مبه‌رێ خوشتڤی سلاڤێت خودێ ل سه‌ربن دڤه‌گێرا موسلمیدا دبێژیت: (اللهم من وَلِيَ من أَمْرِ أُمَّتِي شيئا فَشَقَّ عليهم فَاشْقُقْ عليه وَمَنْ وَلِيَ من أَمْرِ أُمَّتِي شيئا فَرَفَقَ بِهِمْ فَارْفُقْ بِهِ) یا خودێ هه‌ركه‌سێ كاره‌كێ ئوممه‌تا من كه‌ته د ده‌ستیدا و ل سه‌ر وان ب زحمه‌ت ئێخست ل سه‌ر وی ب زحمه‌ت بێخه، و یا خودێ هه‌ركه‌سێ كاره‌كێ ئوممه‌تا من كه‌ته د ده‌ستیدا و دلوڤانی پێ بر تو دلوڤانیێ پی ببه.
