ب : باشتر ئه‌وه وه‌سواسێ بهێلیت و بزانیت ئاڤ ده‌ڤوه‌ردان كارتێكرنێ د رۆژیێدا ناكه‌ت نه خاسمه ده‌مێ ده‌ستنڤێژێ زانا هه‌می ئێك بوچونن ئاڤ ده‌ڤ وه‌ردان بۆ ده‌ستنڤێژگرتنێ یان بۆ پاقژیێ چ نینه، و چ كێماسیی نا ئێخیته رۆژیێ، به‌لێ گه‌له‌ك مه‌كروھ ددانن هه‌كه چ ئه‌گه‌ر بۆ نه‌بن هه‌ما بۆ ژ قه‌ستا ئاڤێ ل ده‌ڤێ خۆ وه‌رده‌ت، و دبیت ئاڤ كێشانا بن دفنا ب كارتیكه‌رتربیت ل گه‌ل هندێ ژێ پێغه‌مبه‌رێ خوشتڤی سلاڤێت خودێ ل سه‌ربن دبێژیت: (بَالِغْ في الِاسْتِنْشَاقِ إلا أَنْ تَكُونَ صَائِمًا) زێده ئاڤێ بكێشه بن دفنێت خۆ ژ بلی تۆ یێ ب رۆژێ بی، ئانكو خۆ هه‌كه تو یێ ب رۆژی ژی بی ئاڤێ بكێشه بن دفنێت خۆ به‌لێ زێده نه و هه‌كه ئه‌ڤ چێ ببیت، ئاڤ ده‌ڤ وه‌ردان ژی دورسته و خودێ چێتر دزانیت.
