ب: هه‌كه مرۆڤ گه‌هشته وێ رادێ به‌نجێ وه‌رگریت هنگی دورسته و ده‌ستوریا هه‌ی رۆژیا خۆ بخۆت و پاشی بۆ خۆ بگریته‌ڤه و خۆدێ لێ ناگریت، و خودێ ئه‌ڤ ده‌ستویریه یا دایێ، خودایێ مه‌زن دبێژیت: (فَمَن كَانَ مِنكُم مَّرِيضًا أَوْ عَلَى سَفَرٍ فَعِدَّةٌ مِّنْ أَيَّامٍ أُخَرَ) به‌لێ هه‌كه نه‌ڤیا بخۆت و به‌نج وه‌رگرت رۆژیا وی یا دورسته یان نه و كا رۆژی ب به‌نجێ دكه‌ڤیت نه‌خاسمه ئه‌گه‌ر نه‌هش بوو؟.
رۆژی ب به‌نجێ ناكه‌ڤیت بلا نه‌هش ژی بیت، ب مه‌رجه‌كێ رۆژێ هه‌میێ ژ ده‌ركه‌تنا سپێدێ هه‌تا رۆژ ئاڤابوونێ هه‌میێ یێ نه‌هش نه‌بیت، و پارچه‌كێ ژ رۆژێ ئاگه‌ھ ژ خۆ هه‌بیت، زانا دبێژن هه‌كه ئێك گێژبوو و ئاگه‌ھ ژ خۆ نه‌بو و پشكه‌ك ژ رۆژێ هشیاربوو رۆژیا وی یا دورسته هه‌كه وی ب شه‌ڤێ ئنیه‌تا رۆژیێ ئینابیت.
ئیمامێ شافعی و ئیمام ئه‌حمه‌د دبێژن هه‌كه به‌ری سپیده ده‌ركه‌ڤیت گێژبوو و كێشا هه‌تا رۆژ ئاڤا بووی، رۆژیا وی نه‌یا دورسته، و دڤێت رۆژیا خۆ قه‌زابكه‌ت، و هوسا هه‌كه به‌نجێ ب ڤی ره‌نگی كارتێكرن د نه‌ساخیدا كر هنگی رۆژی نه‌یا دورسته، به‌لێ هه‌كه پشكه‌كا كێم ژی، ژ رۆژێ به‌ری رۆژئاڤابوونێ هشیار بوو، رۆژیا دورسته، ئه‌ڤه و به‌نجا نه‌یا گشتی یا هش ل گه‌ل نه‌چن چ كارتێكرنێ درۆژیێدا ناكه‌ت و خودێ چێتر دزانیت.
