ب : ئه‌ڤه جهێ جودابونییه د ناڤبه‌را زانایاندا هنده‌ك دبێژن به‌لێ دڤێت بیرا وی بینیت چونكی واجبه ئینكارا مونكه‌ری بێته‌كرن و رۆژی شكاندن مونكه‌ره و پێشچاڤان دهێته‌كرن و دڤێت بیراوی بێته ئینان داو ی مونكه‌ری بهێلیت و بن باز و ئبن عثێمین خودێ ژ هه‌ردویان رازی بیت ئه‌ڤ بوچونه ژێگرتیه و هنده‌ك دبێژن نه واجبه بیرا وی بینیت چونكی پێغه‌مبه‌ر سلاڤێت خودێ ل سه‌ربن دبێژیت هه‌ركه‌سێ ب رۆژی خوار یان ڤه‌خوار بلا رۆژیا خۆ ببه‌ته سه‌ری ئه‌و رزقه‌ك بوو خودێ بۆ ئینای (هذا رزق ساقه الله إليه) و دڤه‌گێره‌كا دیدا دبێژیت: خودێ ئه‌و خوارن ڤه‌خوارن دانێ(إنما أطعمه الله وسقاه) و ب راستی ئه‌ز بوچونا دویێ دورستتر دبینم چونكی ئه‌و خوارن نه مونكه‌ره رزقه‌كه خودێ دایێ چاوا مونكه‌ر دهێته هه‌ژمارتن و مونكه‌ر هه‌می گونه‌ھ حسیبه و ئه‌ڤه نابیته گونه‌ھ ڤێجا چاوا دێ بیته مونكه‌ر هه‌تا ببیته واجب بێته ئینكاركرن دویماهیكێ هه‌كه بیرا وی ئینایێ چونینه و هه‌كه بیرا وی نه‌ئینایێ نه یێ گونه‌هكاره نه خاسمه هه‌كه بزانیت رۆژیگر زێده یێ وه‌ستیاییه و پیدڤی بۆ وێ خوارنێ یان ڤه‌خوارنێ هه‌یه چ یێ دانعومربیت یان یێ وه‌ستیای وه‌ستیای بیت و خودێ چێتر دزانیت.
