ب : ب راستی ئه‌ڤه جهێ ژێكجودابونێیه د ناڤبه‌را زانایاندا ل ده‌ف جمهورێ زانایان حه‌نه‌فیان و مالكیان و شافعیان رۆژی ب حوجامێ ناكه‌ڤیت به‌لگه دبوخاریێدا هاتیه ئبن عه‌باس خودێ ژێ رازی بیت دبێژیت: پێغه‌مبه‌ری سلاڤێت خودێ ل سه‌ربن حوجاما چێكری ئه‌و دئیحراناندا و حوجاما چێكری و ئه‌و یێ ب رۆژی، و ئبن عه‌باس و عیكریمه دبێژن: رۆژی ب تشتێ دچیته دله‌شیدا دكه‌ڤیت نه یێ ژێ ده‌رده‌ڤیت، و دایكا عه‌لقه‌مه دبێژیت: مه حوجام ل ده‌ف عائیشایێ بۆ خۆ چێدكرن و ئه‌م یێت ب رۆژی و برازایێت وێ ژی و نه‌هیا وان نه دكر، ئه‌ڤه دیاره‌دكه‌ت رۆژی ب حوجامێ نا كه‌ڤیت.
و ل ده‌ف ئیمام ئه‌حمه‌د رۆژی ب حوجامی دكه‌ڤیت و ئه‌ڤه بۆچونا بن باز و ئبن عثێمینه ژی خودێ ژ هه‌ردویان رازی بیت به‌لگێ وان حه‌دیسا پێغه‌مبه‌رییه سلاڤێت خودێ ل سه‌ربن دیت ئێك یێ حوجامێ بۆ ئێكێ دی چیدكه‌ت ئینا گۆت : (افطر الحاجم والمحجوم) به‌لێ جمهورێ زانایان دبێژن ئه‌ڤ حه‌دیسه یا مه‌نسوخه و كار پێ ناهێته‌كرن و هه‌تا یا مه‌نسوخ ژی نه‌بیت مه‌خسه‌د ئه‌و نینه رۆژیا هه‌ردوویان كه‌فت به‌لكی مه‌خسه‌د پێ ئه‌وه یێ حوجامه بۆ دهێته چێكرن خۆ له‌وازكر و خۆ نێزیكی رۆژی خوارنێ كر و یێ حوجام چێكری بۆ ئه‌گه‌رێ رۆژی خوارنێ ژ به‌ر هندێ د موطه‌ئێدا هاتیه ئبن عومه‌ری خودێ ژێ رازی بیت ب رۆژی و بێ رۆژی حوجامه بۆ خۆ چێدكر به‌لێ پاشی ب رۆژی گیروكر بۆ پشتی مه‌غه‌ره‌ب ژ به‌ر له‌وازیێ و بوچونا جمهوری ب هیزتره رۆژێ ب حوجامێ كارلێكرن لێ نا هێته‌كرن و ب حوجامێ نا كه‌ڤیت و خودێ چێتر دزانیت.
