ب / گه‌له‌كا ب ترسه مرۆڤ بێ ده‌ستويرى و بێي چو ئه‌گه‌رێت شه‌رعى هه‌بن رۆژيێ بخۆت، هه‌روه‌كى ئه‌بو هوره‌يره بۆ مه ڤه‌دگێريت، گۆت: پێغه‌مبه‌ر (سلاڤێت خودێ لێ بن) دبێژيت: ((ئه‌و كه‌سێ رۆژيه‌كێ ژ ره‌مه‌زانآ ژ قه‌ستا بخۆت نه ژ به‌ر نه‌ساخى و وه‌غه‌رآ ، ئه‌گه‌ر ئه‌و ژيێ خۆ هه‌ميێ يێ ب رۆژى بيت ـ هندى رۆژ و شه‌ڤ هه‌بن ڤێجا به‌رێ خۆ بده‌يێ كا ده‌م چه‌ند ڤه‌دكێشيت و وان رۆژا هه‌ميا يێ ب رۆژى بيت، هه‌مى پێكڤه ـ جهێ وێ رۆژيێ ناگرن )) ئه‌وا ژ قه‌ستا و بێى ده‌ستويرى هاتيه خوارن ڤێجا بلا رۆژيگر ژ خودێ بترسيت و ژ خۆ ژى بترسيت، و ب ساناهى و ب چاڤه‌كێ كێم و ب سفكى به‌رێ خۆ نه‌ده‌ته خوارنا رۆژيێ، كو بێژيت: خوارنا رۆژيێ چو نينه، پاشى دێ بۆ خۆ گرمه‌ڤه، ئان دێ بۆ خۆ قه‌زاكه‌م.. ئه‌ڤێ ڤي هه‌لويستي وه‌ردگريت كو چو ده‌ستويريێت شه‌رعى نه‌بن و ژ قه‌ستا رۆژيا خۆ بخۆت، كا پێغه‌مبه‌ر (سلاڤێت خودێ لێ بن) چ د ده‌رهه‌قا ويدا دبێژيت: ئه‌گه‌ر ئه‌و ده‌مى هه‌ميێ ـ كا چه‌نده و چه‌ند رۆژ تێدا هه‌نه ـ يێ ب رۆژى بيت جهێ وێ رۆژيێ ناگريت.
هه‌روه‌كى د ڤه‌گێرانا ئه‌بو داوودى و ئبن ماجه‌يدا هاتى، ديسا هه‌ر بوخارى ژى ب رێكا ئه‌بو هوره‌يره‌ى ڤه‌دگێريت، دبێژيت: ئه‌و كه‌سێ رۆژيه‌كێ ژ رۆژيێت ره‌مه‌زانێ بێ ده‌ستويريه‌كا هه‌ژى بخۆت، ئه‌گه‌ر ئه‌و هندى يێ ب رۆژى بيت جهێ وێ ناگريت. به‌لێ ئه‌ڤه رامانا هندێ ناده‌ت ئه‌گه‌ر مرۆڤى رۆژيه‌ك خوار قه‌زا نه‌كه‌ت، دڤێت قه‌زا بكه‌ت، به‌لێ جهێ وێ ناگريت و خودێ چێتر دزانيت.
