ب/ راسته، پێدڤيه ئه‌م بزانين هه‌ر عيباده‌ته‌كي، په‌رستنه‌كێ شه‌نگست و روكنێت خۆ يێت هه‌ين، و هه‌ر وه‌ختێ روكنه‌ك ژ ڤان روكنان ژ به‌رێك چۆ و نه‌هاته‌كرن، رامانا وێ ئه‌وه كريارا مرۆڤى يان عيباده‌تێ مرۆڤى نه‌يێ دورسته، بۆ نموونه: ئه‌گه‌ر ركوعه‌ك و سوجده‌يه‌ك ژ نڤێژێ كێم بيت.. رامانا وێ ئه‌وه نڤێژ نه‌يا دورسته، هه‌روه‌سا روكن و شه‌نگستێت رۆژيێ ژى پێدڤيه بزانين هه‌ر گاڤا ژ به‌رێك چۆنه‌ك كه‌فته تێدا، رۆژيا مرۆڤى نه‌يا دورسته، رۆژيێ دوو روكن ب تنێ يێت هه‌ين، يێ ئێكێ ئه‌ڤه‌يه: دڤێت مرۆڤ خۆ ژ خوارن و ڤه‌خوارنێ و نڤينا ژنێ د رۆژا ره‌مه‌زانێدا بده‌ته پاش هه‌تا دبيته شه‌ڤ، هه‌رگاڤه‌كا چێ بوو و مرۆڤى ئه‌ڤ روكنه شكاند و خۆ ژ خوارن و ڤه‌خوارنێ و نڤينا ژنێ نه‌دا پاش، ئه‌ڤه رۆژيا مرۆڤى كه‌فت، به‌لگه و نيشان ل سه‌ر ڤێ چه‌ندێ ئه‌ڤه‌يه: خودايێ مه‌زن دبێژيت:((فَالْآنَ بَاشِرُوهُنَّ وَابْتَغُوا مَا كَتَبَ اللَّهُ لَكُمْ وَكُلُوا وَاشْرَبُوا حَتَّىٰ يَتَبَيَّنَ لَكُمُ الْخَيْطُ الْأَبْيَضُ مِنَ الْخَيْطِ الْأَسْوَدِ مِنَ الْفَجْرِ ثُمَّ أَتِمُّوا الصِّيَامَ إِلَى اللَّيْلِ وَلَا تُبَاشِرُوهُنَّ وَأَنتُمْ عَاكِفُونَ فِي الْمَسَاجِدِ تِلْكَ حُدُودُ اللَّهِ فَلَا تَقْرَبُوهَا كَذَٰلِكَ يُبَيِّنُ اللَّهُ آيَاتِهِ لِلنَّاسِ لَعَلَّهُمْ يَتَّقُونَ )) (البقره:187).
و روكنێ دوويێ ئنيه‌ته، پێدڤيه مرۆڤ ئنيه‌تا رۆژيێ بينيت، و ئه‌وێ ئنيه‌تا رۆژيێ نه‌ئينيت رۆژيا وى نه‌يا دورسته، به‌لێ هه‌لبه‌ت ئنيه‌ت نه‌به‌س ئه‌وه يا ب ده‌ڤى دئينيت، به‌لكى يا فه‌ر ئه‌ڤه‌يه بكه‌ته د دلێ خۆدا و ل به‌ر بيت رۆژا پاشتر ب رۆژى بيت، هه‌ر ئه‌ڤه به‌سه و نه‌مه‌رجه ب ده‌ڤى بێژيت و خودێ چێتر دزانيت.
