ب/ نه‌خێر ئه‌ڤه يا گرێدايه ب رۆژيا ره‌مه‌زانێڤه، و رۆژيا ره‌مه‌زانێ و يا فه‌رز ب تنێ دڤێت مرۆڤ ئنيه‌تێ بۆ ب شه‌ڤ بينيت، به‌لێ رۆژيا سوننه‌ت هه‌تا نيڤرۆ ژى دورسته ـ هه‌كه مرۆڤى چو نه‌خواربيت ـ، چونكى ئه‌ڤه يا ژ پێغه‌مبه‌رى (سلاڤێت خودێ لێ بن) هاتيه زانين، و چه‌ند جاران عائيشا دايكا مه موسلمانان (خودێ ژێ رازي بيت)دبێژيت: گه‌له‌ك جاران پێغه‌مبه‌ر (سلاڤێت خودێ لێ بن) دا پسياركه‌ت ئه‌رێ مه تشته‌ك هه‌يه بخوين؟ هه‌كه مه چو نه‌با دابێژيت: پا ئه‌ز يێ ب رۆژيمه. ل ڤێرێ ئه‌م دزانين: هندى مرۆڤى چو نه‌خواربيت هه‌تا نيڤرۆ.. مرۆڤ دشێت ئنيه‌تێ بۆ رۆژيا سوننه‌ت بينيت و يێ ب رۆژى بيت، به‌لێ رۆژيا فه‌رز دڤێت ب شه‌ڤ ئنيه‌تێ بۆ بينن و خودێ چێتر دزانيت.
