ب/ ئه‌ڤ پسياره گه‌له‌ك جاران دئێته‌كرن و دبێژن: شڤێدى ئه‌ز رابوومه پاشيڤێ و من تێر پاشيڤ ژى يا خوارى، به‌لێ ژ بيرا من چو ئنيه‌تا خۆ بينم؟ باشه هه‌كه ئه‌م بێژينێ: بۆچى تو رابوويه پاشيڤێ، ئه‌رێ هه‌مى سالێ تو رادبيه پاشيڤێ؟ دێ بێژيت: ژبه‌ر رۆژيێ. دێ باشه ئه‌ڤه ئنيه‌ته، ما ئنيه‌ت چيه؟! ئه‌ڤه ئنيه‌ته‌كا موكومه و يا عه‌مه‌ليه. ڤێجا ئه‌وێ رابوو پاشيڤێ و ئنيه‌ت ژبيركر ب ده‌ڤى بينيت، بلا ب خه‌م نه‌كه‌ڤيت، هه‌ما ئه‌و ئنيه‌ته و يا دورسته، و ديسا بۆ وى ژى ئه‌وێ سه‌رێ خۆ ددانيته سه‌ر باليفكێ و ل به‌ره پاشيڤێ رابيت دا رۆژا پاشتر يێ ب رۆژى بيت و هشيار نه‌بيت، وى ئنيه‌تا ئيناى وه‌ختێ كريه د دلێ خۆدا رۆژا پاشتر يێ ب رۆژى بيت و خودێ چێتر دزانيت.
