ب/ ئه‌ڤه جهێ نه‌لێكى و ئيختيلافێيه د ناڤبه‌را زاناياندا، حه‌نبه‌لى و شافعى و حه‌نه‌فى خودآ ژ وان رازى بيت، دبێژن: دڤێت هه‌ر رۆژيه‌كێ ئنيه‌تا خۆ هه‌بيت، به‌لێ ئيمام ئه‌حمه‌د (خودێ ژێ رازي بيت)دبێژيت: ئێك ئنيه‌ت بۆ هه‌مى ره‌مه‌زانێ چێدبيت ئه‌گه‌ر مه‌خسه‌دا وى ب وێ ئنيه‌تێ ئه‌و بيت هه‌مى ره‌مه‌زانێ يێ ب رۆژى بيت، و ئه‌ڤه بۆچۆنا ئيمام مالكى و ئيسحاقێ كورێ راهه‌وه‌يهيه ژى، خودآ ژ هه‌ردوويان رازى بيت، به‌لێ يا دورستتر بۆچۆنا ئێكێيه، چونكى هه‌ر رۆژيه‌ك يا جودايه ژ يا دى. راسته هه‌مى ئێك هه‌يڤه به‌لێ هه‌ر رۆژيه‌ك ژ رۆژيا دى يا جودايه، به‌لگه ل سه‌ر: ئه‌گه‌ر ئێك شكاند و خوار، يا دى ناكه‌ڤيت، و چو په‌يوه‌ندى دگه‌ل يا خوارى نينه و خودێ چێتر دزانيت.
