ب/ ئه‌و كه‌سێ رۆژيێت خۆ خوارين و جاره‌كا دى نه‌گرتين، هه‌تا ره‌مه‌زانا دى ب سه‌ردا هاتى، ئێك ژ دويانه، يان ئه‌وه يێ ره‌مه‌زان ب سه‌رداهاتى و ده‌رفه‌ت بۆ چێنه‌بووى رۆژيا خۆ تێدا بگريته‌ڤه، و قه‌زا بكه‌ت، ڤيايه بگريت به‌لێ يێ كه‌فتيه د نه‌خۆشيه‌كێدا، يێ چێبووى و ڤيايه بگريت جاره‌كا دى يێ كه‌فتيه د نه‌خۆشيه‌كا ديدا، و هۆسا هه‌تا ره‌مه‌زانا دى ب سه‌ردا هاتى، ئانكو: ژ ده‌ستويره‌كێ يێ چۆيه د ئێكا ديدا، بۆ نموونه: وه‌كى ژنێ، دڤێت بگريت يان ب حال كه‌فتى و نه‌شێت بگريت و پاشى بوو بچويك شير و نه‌شيا بگريت، ئه‌ڤا هۆسا وێ خه‌مسارى د قه‌زاكرنا وێدا نه‌كرى.. به‌لێ نه‌شيايه بگريت، ئه‌ڤێ هۆسا وي خه‌مسارى د قه‌زاكرنا وێدا نه‌كرى به‌لێ نه‌شيايه بگريت ژبه‌ر هنده‌ك ئه‌گه‌رێت بێزاركه‌ر، وى وه‌ختى ئه‌ڤه دێ به‌س وان رۆژيێت خوارين قه‌زاكه‌ت و چو به‌ده‌ل و كه‌فاره‌تان ناده‌ت، به‌لێ ئه‌گه‌ر وى رۆژيا خۆ بێ ده‌ستويرى خواريه و خه‌مسارى ژى تێدا كريه و شيايه بگريت به‌لێ ژ بێ خه‌مى نه‌گرتيه هه‌تا ره‌مه‌زانا دى ب سه‌رداهاتى، لێكنه‌گرتنا چێبوويى د ناڤبه‌را زاناياندا د ده‌رحه‌قێ ڤى مرۆڤيدا.
ئيمام حه‌سه‌ن به‌سرى و ئيمامێ نه‌خه‌عى خودآ ژ هه‌ردوويان رازى بيت، دبێژن: ڤى مرۆڤى ژبلى قه‌زايێ چويێ دى ل سه‌ر نينه، چونكى به‌لگه‌يێن ژ حه‌ديسێ ئان ژ قورئانێ كو تشته‌كێ دى ژبلى قه‌زاكرنێ ل سه‌ر ڤى مرۆڤى هه‌بيت.
به‌لێ جمهورێ زانايان دبێژن: ئه‌ڤێ هۆسا دوو تشت ل به‌رن، ئێك: دڤێت رۆژيا خۆ قه‌زاكه‌ت، دوو: دڤێت كه‌فاره‌تێ ژى بده‌ت، و به‌لگه و نيشانا وان قياسه (پيڤانه) ل سه‌ر وى ئه‌وێ پێ چێ نه‌بيت رۆژيێ بگريت، دێ به‌ده‌لێ ده‌ت، رۆژى قه‌زاكرن ژبه‌ر ئه‌وا خوارى و كه‌فاره‌ت ژبه‌ر كو بێ ده‌ستويرى رۆژيا خۆ نه‌گرتيه هه‌تا ره‌مه‌زانا دى ب سه‌رداهاتى و خودێ چێتر دزانيت.
