ب/ ئه‌ڤێ هۆسا، ئه‌گه‌ر نه‌ساخ بوو و د نه‌ساخيا خۆدا ژبه‌ر چاره‌سه‌ركرنێ و خوارنا ده‌رمانا هنده رۆژى خوارين، و نه‌ساخى ما دگه‌ل و هێژ ب سلامه‌تى نه‌كه‌فتى چۆ به‌ر دلۆڤانيا خودێ، ئه‌رێ حوكمێ وان رۆژيێت خوارين ژبه‌ر نه‌ساخيێ چيه؟ رۆژيێت خوارين ل سه‌ر فه‌رزن ئان نه... دڤێت بۆ بێته گرتن، يان رۆژى ل سه‌ر فه‌رز نينن و نه‌ئه‌ركه ل سه‌ر مرۆڤێت وى بۆ بگرن. ڤێرێ جهێ نه‌لێكيێيه د ناڤبه‌را زاناياندا ل سه‌ر دوو بۆچۆنان، ئێك: رۆژى ل سه‌ر وى مرۆڤى نينن ئه‌وێ ژبه‌ر نه‌ساخيێ خوارين پاشى ساخ نه‌بووى كو رۆژيێت خۆ بگريت، به‌لێ كه‌س و كارێت وى دێ زادى پێشڤه ده‌ن، ئه‌و ژى وه‌كى پيره‌مێر و پيره‌ژنێت بێچاره، ئه‌ڤ چه‌نده يا هاتيه ڤه‌گێران ژ ئبن عه‌باس و عائيشايێ (ده‌يكا مه موسلمانان) خودآ ژ هه‌ردوويان رازى بيت، و هه‌ر ئه‌ڤه بۆچۆنا ڤان زانايايه ژى ئيمام ئه‌حمه‌د و ئه‌بو حه‌نيفه و ئيمام مالك و ئيمامێ شافعى و باراپتر ژ زانايان.
ئبن عه‌باس (خودێ ژێ رازي بيت)دبێژيت: هه‌ر كه‌سێ مر و رۆژى ل سه‌ر بن، ئانكو: نه‌ساخيا وى ب مرنێڤه هاته گرێدان، بلا سه‌ميانێ وى به‌رانبه‌ر هه‌ر رۆژيه‌كێ خوارنا به‌له‌نگازه‌كي بده‌ت. به‌لێ هه‌ر ئبن عه‌باس دبێژيت: ئه‌ڤه ئه‌گه‌ر ئه‌و رۆژيێت ل سه‌ر يێت ره‌مه‌زانێ بن، به‌لێ ئه‌گه‌ر ئه‌و بن ئه‌وێت وى ل سه‌ر خۆ كرينه نه‌در دڤێت سه‌ميان و سه‌ركارێ وى پێشڤه بگريت.
به‌لێ ره‌ئيا دويێ ئه‌وه كو باراپتر ژ شافعيان دگه‌لن سه‌ميانێ وى، ئانكو: سه‌ركارێ وى دێ پێشڤه گريت و هه‌ركه‌سێ ژ مرۆڤێت وى پێشڤه بگريت دورسته و خودێ چێتر دزانيت.
