ب/ پێدڤيه ئه‌م بزانين ئيسلام دينه‌كێ ب ساناهيه و خودێ نه‌ڤيايه ل سه‌ر مه گران بكه‌ت و هندێ ژ مه بخوازيت ئه‌م نه‌شێين پێ رابين:((وَمَا جَعَلَ عَلَيْكُمْ فِي الدِّينِ مِنْ حَرَجٍ ))گرانى بۆ هه‌وه نه‌ئێخستيه د دينيدا، و د ئايه‌ته‌كا ديدا دبێژيت:((يُرِيدُ اللَّهُ بِكُمُ الْيُسْرَ وَلَا يُرِيدُ بِكُمُ الْعُسْرَ )) ئانكو: خودێ دڤێت ل به‌ر هه‌وه ب ساناهى بێخيت و نه‌ڤێت ل سه‌ر هه‌وه گران بكه‌ت،، ڤێجا ئه‌ڤێ ڤى شۆلى دكه‌ت ئه‌گه‌ر يێ پێدڤى بيت، و ئه‌گه‌ر نه‌چيته شۆلى دێ بچويكێت وى ميننه برسى، و ئه‌گه‌ر يێ ب رۆژى بيت نه‌شێت ب شۆلێ خۆ رابيت چونكى شۆلێ وى گه‌له‌كێ ب زه‌حمه‌ته نه‌شێت رۆژيێ دگه‌ل بگريت، بۆ وى هه‌يه رۆژيا خۆ بخۆت، و هه‌ر وه‌ختێ وى ڤيا و پێ چێ بوو دێ بۆ خۆ گريته‌ڤه، به‌لێ ئه‌گه‌ر ئه‌ڤ شۆلێ هۆسا يێ ب زه‌حمه‌ت دگه‌ل يێ به‌رده‌وام بيت و وى چو رۆژ نه‌بن بۆ خۆ تێدا بگريته‌ڤه و د بنيرا نه‌شێت ژبه‌ر گرانيا شۆلى رۆژيێ دگه‌ل بگريت وى وه‌ختى ئه‌و دێ كه‌ڤيته د بن ڤى حوكميڤه (( وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينٍ)) رۆژى ل سه‌ر نينه، به‌رانبه‌ر هه‌ر رۆژيه‌كێ دێ زادێ به‌له‌نگازه‌كي ده‌ت و خودێ چێتر دزانيت.
