ب/ ئه‌و ژنا مكياجي بدانيت، و يا ب رۆژى بيت، يا خودان باوه‌ره و يا باوه‌ريداره، ئه‌گه‌ر دا چاوا رۆژيان گريت، مه هيڤيه ئه‌و د وه‌خته‌كێ نێزيكدا وى مكياجى ژى بهێليت، چونكى ژنا خودان بير و باوه‌ر دڤێت بزانيت مكياج دانان بۆ ژده‌رڤه نه‌دورسته، و خه‌له‌ته ده‌رڤه‌ى ره‌مه‌زانێ، پا تو چ دبێژى بۆ ره‌مه‌زانێ، و پێدڤيه ئه‌ڤا هۆسا ب ره‌حه‌تى و جوان شيره‌ت لێ بێته‌كرن، و ب دلسۆزى؛ چونكى ژنه‌كا خودان ئيمانه، و دڤێت رێز ل ڤێ باوه‌ريێ بێته‌كرن، و ب هشكى و ره‌قى نه‌ئێته پاشڤه‌برن كو مكياجى ددانيت؛ چونكى رۆژى گرتنا وێ نيشان و به‌لگه‌يه دێ هه‌ر رۆژه‌ك ئێت ب خۆ حه‌سيت و زانيت مكياج بۆ ده‌رڤه دگه‌ل ره‌وشتێ ژنا موسلمان ناگونجيت، پاشى بلا ئه‌ڤ خويشكه بزانيت رۆژيێ هنده‌ك سنج و ئه‌خلاق يێت هه‌ين دڤێت ژێ نه‌ئێنه جوداكرن، و ئه‌گه‌ر نه، خێرا رۆژيا خۆ ب ده‌ستێ خۆ دئينيته خوارێ و كێم دكه‌ت، و ئه‌و تشتێ نه‌دورست بۆ مرۆڤى و دڤێت مرۆڤ خۆ ژێ بپارێزيت ده‌رڤه‌ى ره‌مه‌زانێ دڤێت د ره‌مه‌زانێدا پتر مرۆڤ خۆ ژێ دوير بێخيت.
به‌لێ پا مكياج رۆژيێ نائێخيت، به‌لێ ئه‌گه‌ر پێ نه‌كه‌ڤيت، پێ كێم ژى نابيت؟ نه‌خێر بێ گۆمان رۆژيێ كێم دكه‌ت، ڤێجا يێت تيگه‌هشتى ماده‌م هه‌ر زه‌حمه‌تا خۆ برن ب چو ره‌نگان، ناهێلن خێرا وان كێم ببيت، يا دى.. مكياج دانان و وه‌رنه‌گرتنا جلكێ شه‌رعى ژ رێز و سه‌روبه‌رێ جاهليانه، له‌وا خودێ دبێژيت:(( وَلَا تَبَرَّجْنَ تَبَرُّجَ الْجَاهِلِيَّةِ الْأُولَىٰ)) و ئه‌ز دبێژم ئه‌وا رۆژيگر نه‌ڤێت كريارێت وێ يێت خه‌لكێ جاهليێ بن، كورت و كرمانج رۆژيا وێ ناكه‌ڤيت به‌لى دبيت خێرا وێ كێم بيت و خودێ چێتر دزانيت.
