ب/ ئه‌ز دبێژم ره‌مه‌زان بۆ مرۆڤى دبيته ده‌رفه‌ته‌كا زێرين، كو مرۆڤ پشتى هنگى يێ به‌رده‌وام بيت د په‌رستنا خۆدا، هيڤيه ئه‌وێ ده‌ست پێ كرى به‌رده‌وام بيت سه‌ر رۆژى و نڤێژێت خۆ پشتى ره‌مه‌زانێ ژى، و ئه‌ڤێ ره‌مه‌زانێ ده‌ست ب نڤێژان دكه‌ت و پاشى پشتى ره‌مه‌زانێ دهێليت ئه‌م دبێژينێ: ژ خودێ بترسه ئه‌و خودايێ ره‌مه‌زانێ تو ژێ ترسيايى و ته بۆ نڤێژ كرين هه‌ر ئه‌و خودێيه خودايێ شه‌وال و هه‌مى هه‌يڤان، ڤێجا چاوا تو د ڤێ هه‌يڤێدا ژ خودێ ترسياى.. بزانه خودايێ مه‌زن د هه‌مى هه‌يڤاندا ل سه‌ر ته زێره‌ڤانه و ته دبينيت، ڤێجا ژێ بترسه، و ئه‌وێ رۆژيان دگريت و نڤێژان نه‌كه‌ت دبيت ئه‌ڤه ببيته رێخۆشكرنه‌ك نڤێژان ژى بكه‌ت، خێرا رۆژيێ جودا دئێته نڤيسين.
و گونه‌ها نه‌نڤێژكرنێ جودا دێ ئێته نڤيسين:((فَمَن يَعْمَلْ مِثْقَالَ ذَرَّةٍ خَيْرًا يَرَهُ وَمَن يَعْمَلْ مِثْقَالَ ذَرَّةٍ شَرًّا يَرَهُ)) له‌وا ئه‌م نابێژينه وى يێ رۆژيان ب تنێ دگريت و نڤێژان نه‌كه‌ت، هه‌ما رۆژيان ژى نه‌گره، ئه‌ڤه يا خه‌له‌ته، بلا يێ ل سه‌ر رۆژيێت خۆ يێ به‌رده‌وام بيت، دبيت ئه‌ڤ چه‌نده به‌رێ وى بده‌ته كرنا نڤێژان ژى و خودێ چێتر دزانيت.
