ب/ ئه‌و ب خۆ د ئيسلامێدا كه‌س گونه‌ها كه‌سێ ب ستۆيێ خۆڤه ناگريت، كو ئێك گونه‌هێ ل سه‌ر يێ دى راكه‌ت، و نابيت كه‌س گوهێ خۆ بده‌ته وى، ژبه‌ر كو پێغه‌مبه‌ر (سلاڤێت خودێ لێ بن) دبێژيت: ((لا گاعَه لِبَشَرٍ فِي مَعْصِێه اللَّهِ))، و نابيت گوهداريا كه‌سێ بێته‌كرن د بێ ئه‌مريا خودێدا، و نابيت كه‌س خۆ رازى بكه‌ت خورتى ژ لايێ زه‌لامێ مالێڤه يان سه‌ميان و مالخۆيێ مالێڤه لێبێته‌كرن، و رۆژيێ بخۆت و هه‌كه وه‌كر گونه‌ه د ستۆيێ ويدايه، و ئه‌ڤ ره‌نگه گڤاشتنه يا كه‌ڤنه و نه‌يا ئه‌ڤرۆيه، د كه‌ڤندا ئه‌ڤ رێكه هاتيه ب كارئينان؛ دا به‌رێ هنده‌كان ژ راستيێ وه‌رگێرن و ب ڤێ چه‌ندێ بخاپينن كا ئه‌و گونه‌هێت وان ژى ب ستۆيێ خۆڤه دگرن، خودێ دبێژيت:((وَقَالَ الَّذِينَ كَفَرُوا لِلَّذِينَ آمَنُوا اتَّبِعُوا سَبِيلَنَا وَلْنَحْمِلْ خَطَايَاكُمْ وَمَا هُم بِحَامِلِينَ مِنْ خَطَايَاهُم مِّن شَيْءٍ إِنَّهُمْ لَكَاذِبُونَ)) ئانكو: وه‌نينه كه‌س گونه‌ها كه‌سێ ب ستۆيێ خۆڤه ناگريت، به‌لكى ئه‌و دووقات گونه‌هكارن ئه‌وێ دى ژى يێ گونه‌هكاره و خودێ چێتر دزانيت.
