ب/ ژ خێر و كه‌ره‌مێت خودێ دگه‌ل موسلمانان كرى.. ئه‌ڤ شه‌ڤه يا دايێ، خێرا وێ ژ هزار هه‌يڤان پتره، ب مه‌رجه‌كي چو شه‌ڤێت (ليله القدر) د ناڤدا نه‌بن، و شه‌ڤه‌كه ملياكه‌ت دگه‌ل جبريلى دئێنه خوارێ، ژبه‌ر به‌ره‌كه‌تا ڤێ شه‌ڤێ و دگه‌ل دلۆڤانى و به‌ره‌كه‌تا خودێ دئێنه خوارێ.
پێغه‌مبه‌ر (سلاڤێت خودێ لێ بن) دبێژيت: ((ئه‌وێ ژ خێرا ڤێ شه‌ڤێ بێ بار بيت ئه‌و ژ خێره‌كا مه‌زن بێ بار بوو))، ديسا دبێژيت: ((هه‌ر كه‌سێ شه‌ڤا (ليله القدر) رابيت ب باوه‌رى و ب هيڤى، گونه‌هێت وى يێت بۆرين، هه‌مى ب راستى هاتنه ژێبرن))، و يێ بڤێت ئه‌ڤ خێره ژێ نه‌چيت، بلا هه‌ر ده‌ه شه‌ڤێت دويماهيێ رابيت ساخكه‌ت، ئه‌گه‌ر نه‌شيا، بلا شه‌ڤێت كه‌ت ژ ده‌هێت دويماهيێ رابيت و ساخكه‌ت، و ئه‌گه‌ر هه‌ر نه‌شيا بلا شه‌ڤا (بيست و حه‌فتێ) ژ خۆ نه‌به‌ت و خودێ چێتر دزانيت.
