ب/ باراپتر ژ زانايان دبێژن: گيرۆكرنا قه‌زاكرنا رۆژيێ ده‌مێ ساله‌كێ بێ سويچ و ئه‌گه‌ره‌كێ شه‌رعی هه‌بيت گونه‌هه، و ئه‌گه‌ر ساله‌ك ب سه‌ر قه‌زاكرنێڤه چۆ و چو هێجه‌تێت شه‌رعى نه‌بن دڤێت كه‌فاره‌تێ ژى دگه‌ل قه‌زاكرنێ بده‌ت، ئه‌و ژى ئه‌ڤه‌يه: زادێ هه‌ژار و به‌لنگازه‌كيه به‌رامبه‌ر هه‌ر رۆژيه‌كێ، ب مه‌رجه‌كى تێرا دوو دانان بكه‌ت. به‌رامبه‌ر ڤێ، هنده زانايێت دى دبێژن: قه‌زاكرن ب تنێ يا ل سه‌ر رۆژى خۆرى، و چو كه‌فاره‌ت ل سه‌ر نينن، ساله‌ك ل شه‌ر قه‌زاكرنێڤه ببۆ يت يان پتر، ئه‌گه‌رێ خۆ هه‌بيت يان نه، و ئه‌گه‌رێ ڤێ جوداهيێ ژى به‌لگه و نيشانه، ئه‌وێت دبێژن :دڤێت دگه‌ل قه‌زاكرنێ كه‌فاره‌ت ژى بێته دان، ئه‌گه‌ر ساله‌ك ب سه‌ر قه‌زاكرنێڤه چۆ بێى سه‌به‌ب و ئه‌گه‌ره‌كێ شه‌رعى.. پشتبه‌ستنا قياسى دكه‌ن، و قه‌زاكرنێ قياس دكه‌ن ل سه‌ر ڤێ ئايه‌تێ:((أَيَّامًا مَّعْدُودَاتٍ فَمَن كَانَ مِنكُم مَّرِيضًا أَوْ عَلَىٰ سَفَرٍ فَعِدَّةٌ مِّنْ أَيَّامٍ أُخَرَ وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينٍ فَمَن تَطَوَّعَ خَيْرًا فَهُوَ خَيْرٌ لَّهُ وَأَن تَصُومُوا خَيْرٌ لَّكُمْ إِن كُنتُمْ تَعْلَمُونَ)) و ئه‌و كه‌سێت گه‌له‌ك زه‌حمه‌ت و نه‌خۆشيێ ب گرتنا وانڤه دبه‌ن، بلا پێش خوارنا هه‌ر رۆژيه‌كێڤه، خوارنا به‌لنگازه‌كى ل سه‌ر خۆ بێخن و بده‌ن، و هه‌چيێ پتر ژى ل سه‌ر خۆ بێخيت و بده‌ت بۆ وى گه‌له‌ك خێرتره، و رۆژيگرتن بۆ هه‌وه چێتره ئه‌گه‌ر هوين بزانن. و گيرۆكرنا وى نيشانا سستيێيه، و يێ سستى ژى كر دڤێت كه‌فاره‌تێ بده‌ت. به‌لێ ئه‌و زانايێت دبێژن: كه‌فارت ل سه‌ر نينه، دبێژن: ئه‌ڤ قياسه يا له‌وازه و چو به‌لگه ژى نينن كه‌فاره‌تێ بده‌ت، چ مه، ما ژبلى ئه‌و رۆژيا خۆ قه‌زاكه‌ت و به‌س، و ئه‌و رۆژيێت خوارين هه‌كه سه‌رێك بگريت باشتره، ل دويف ره‌ئيا جمهورێ فقهزانان، و هه‌كه هه‌ر ئێك د رۆژه‌كێرا گرت ژى دورسته، و مه‌رج نينه دويف ئێك بگريت و خودێ چێتر دزانيت.
