ب/ ل دويف ره‌ئيا باراپتر ژ زانايان ئه‌و كه‌فاره‌تێ ناده‌ن، و ل سه‌ر وان واجب نينه، چونكى نڤينا ژنێ ده‌رڤه‌ى ره‌مه‌زانێ يا چێ بووى، و رێز و حورمه‌تا ره‌مه‌زانێ نه‌هاتيه شكاندن، به‌لێ رۆژيا هه‌ردووكان دكه‌ڤيت و دبيت پێ گونه‌هكار ژى بن؛ چونكى بوونه ئه‌گه‌رێ پويچبوونا كار و عيباده‌تێ خۆ يێ فه‌رز، و خودايێ مه‌زن دبێژيت:((يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَلَا تُبْطِلُوا أَعْمَالَكُمْ)) ئانكو: گه‌لى خودان باوه‌ران گوهداريا خودێ بكه‌ن و گوهداريا پێغه‌مبه‌رى بكه‌ن، و كار و كريارێت خۆ (ب گونه‌هان، يان ب رويمه‌تيێ، يان ب دوروياتيێ، يان ب منه‌تێ) پويچ نه‌كه‌ن. و ئه‌وان ب ڤى كارى رۆژيا خۆ يا قه‌زا و فه‌رز پويچ كر و خودێ چێتر دزانيت.
