به‌رسڤێت ل دۆر رۆژيێ

ب/ زانايێت مه‌ دبێژن: نابيت ژن رۆژيێت سونه‌ت بێ دوستويري و ئاگه‌هدارى و رازيبوونا زه‌لامێ خۆ بگريت، به‌لێ ئه‌ڤه‌ هه‌كه‌ زه‌لامێ وێ هه‌وجه‌ى وێ بيت (ئانكو هه‌وجه‌ى نڤينا وێ بيت)، به‌له‌ هه‌كه‌ هه‌وجه‌يى بۆ نڤينا وێ نه‌بيت دورسته‌ ژن رۆژيا سونه‌ت بگريت و هه‌وجه‌ى ده‌ستويري و ئاگه‌هدارى و رازيبوونا زه‌لامى نينه‌، له‌وا ئه‌م دبێژينه‌ زه‌لامان: ته‌قوا خودێ د راستا ژنێت خۆدا بكه‌ن، و هه‌كه‌ هه‌وه‌ هه‌وجه‌يى ب نڤينا خۆ نه‌بيت نه‌كه‌ڤنه‌ د رێكا هه‌ڤسه‌رێت خۆدا كو رۆژيێت سونه‌ت بگرن. ژ ئاخفتنا زانايان دهێته‌ زانين.. زه‌لامى هه‌مى ده‌مان ماف نينه‌ نه‌هێليت ژنا وى بۆ خۆ رۆژيێت سونه‌ت بگريت ب وى مه‌رجى نه‌بيت يێ مه‌ گۆتى، هه‌وجه‌ى نڤينا خۆ هه‌بيت، هنگى دڤێت ژن ب ده‌ستويريا وى رۆژيا سونه‌ت بگريت، و هه‌كه‌ ئه‌ڤه‌ نه‌ما هنگى زه‌لامى ماف نينه‌ نه‌هێليت ژنا وى يا ب رۆژى بيت و خودآ چێتر دزانيت.