ب / ب راستى چو ده‌قێت دورست ل سه‌ر قه‌درێ مرنا د ره‌مه‌زانێدا ـ تايبه‌ت بيت ب ره‌مه‌زانێڤه ـ من نه‌ديتينه، به‌لێ يا ئاشكرايه هه‌ركه‌سێ دويماهيكا وى ل سه‌ر خێرێ بيت، ئه‌ڤه ئه‌و سه‌رفه‌راز بوو، چونكى پێغه‌مبه‌رێ خۆشتڤى (سلاڤێت خودێ لێ بن) دبێژيت: ((إِنَّمَا الأَعْمَالُ بِالْخَوَاتِيمِ))، ئانكو: هندى كاروكريارن ب دويماهيكانه، ڤێجا يێ دويماهيكا وى ئه‌ڤه بيت ب رۆژى بچيت وى فايده‌كر، و ب ئانه‌هيا خودێ ئه‌و گه‌هشته خێره‌كا مه‌زن، چونكى باراپتر هه‌تا ئه‌وێت نه‌ديندار ژى هه‌يڤا ره‌مه‌زانێ ل خۆ دزڤرن و په‌شێمان دبن و دهێنه گوهۆرين، پا تو چ دبێژى بۆ يێ موسلمان و ديندار، ئه‌ڤێ هۆسا، رۆژى د دنيايێدا و د ئاخره‌تێدا دێ شه‌هده‌يێ بۆ ده‌ن و به‌ره‌ڤانيێ بۆ كه‌ن، و ناهێلن ملياكه‌ت وى د گۆرێ ويدا وى بترسينن، و يێ د گۆرێ خۆدا ئێمن بوو.. ئه‌ڤه ئه‌و سه‌ر فه‌رازبوو، زانى كا دێ چاوا به‌رسڤا ملياكه‌تان ده‌ت، و رۆژا قيامه‌تێ ژى دێ بنه شاهد و به‌ره‌ڤانيێ ل ده‌ف خودێ ل خودانێ خۆ كه‌ن و خودێ چێتر دزانيت.
