ب / تا رادده‌كى ئه‌م دشێين بێژين يا ل مه هاتيه ڤه‌شارتن، به‌لێ ب هه‌ميڤه ل مه نه‌هاتيه ڤه‌شارتن، پشكه‌ك ژێ يا ل مه هاتيه ڤه‌شارتن ئه‌و ژى هه‌ر بۆ خێرا مه‌يه، ژ سالێ كو دوازه هه‌يڤه.. يا بۆ مه د هه‌يڤه‌كێدا ئاشكراكرى، و ژ قه‌در و بهايێ وێ هه‌يڤێ شه‌ڤ و رۆژێت وێ وه‌كى ئێك ب قه‌درن.
د راستا هه‌ردووكاندا پێغه‌مبه‌رێ خۆشتڤى (سلاڤێت خودێ لێ بن) دبێژيت: ((منْ قام رَمَضانَ إِيماناً واحْتِساباً غُفِرَ لَهُ مَا تَقَدَّمَ مِنْ ذنْبِهِ))، ئانكو: هه‌ركه‌سێ ژ باوه‌رى و ب هيڤيا خێرێ، ره‌مه‌زانێ رابيت (ئانكو شه‌ڤێت ره‌مه‌زانێ ته‌راويحان بكه‌ت) گونه‌هێت وى يێت بۆرين هاتنه ژێبرن. و به‌رامبه‌ر وان شه‌ڤان پێغه‌مبه‌رێ خۆشتڤى (سلاڤێت خودێ لێ بن) دبێژيت: ((مَنْ صَامَ رَمَضانَ إِيمَاناً واحْتِساباً، غُفِرَ لَهُ ما تَقَدَّمَ مِنْ ذنْبِهِ))، ئانكو: هه‌ركه‌سێ ژ باوه‌رى و ب هيڤيا خێرێ ره‌مه‌زانێ بگريت، گونه‌هێت وى يێت بۆرين هاتنه ژێبرن. ڤێجا هه‌كه ئه‌م د ڤى كوژيكيرا به‌رێ خۆ بده‌ينێ.. نه‌هاتيه ڤه‌شارتن، و يا بۆ مه هاتيه ئاشكراكرن، يا گۆتيه مه ژ دوازده هه‌يڤان يا د هه‌يڤا ره‌مه‌زانێدا، سێ سه‌د و پێنجى و تشته‌ك رۆژان خۆ زه‌حمه‌ت نه‌ده به‌س سيه رۆژێت ره‌مه‌زانێ خه‌مێ ژێ بخۆ، ئه‌و ره‌مه‌زانا ب قه‌در و بها، ئه‌وا گرتن و ساخكرنا شه‌ڤ و رۆژێت وێ گونه‌هێت بۆرين ژ ته دبه‌ت.
به‌لێ پسيار ئه‌ڤه‌يه ماده‌م خودێ ژ ره‌حه‌م و دلۆڤانيا خۆ ئه‌ز حێبه‌تى نه‌هێلام به‌رامبه‌ر دوازده هه‌يڤان، و نه‌گۆته من شه‌ڤه‌كا هه‌ى د ڤان دوازده هه‌يڤاندا قه‌در و بهايێ وێ ب ڤى ره‌نگيه، و بۆ من دياركر يا د هه‌يڤا ره‌مه‌زانێدا، شه‌ڤه‌كه ژ سيه شه‌ڤان ب تنێ، بۆچى ئه‌و ژى ديارنه‌دكر كا كيژ شه‌ڤه ژ ره‌مه‌زانێ! دا ئه‌م به‌س وێ شه‌ڤێ ب تنێ بگرين، باراپتر زانا يێت دگه‌ل هندێ ژ وان سيه شه‌ڤان ژى بۆ مه يا هاتيه ئاشكراكرن كا د كيژ پشكێدايه، و ل دويف بۆچۆنا دورست ژ گۆتنێت زانايان: دكه‌ڤيته د پشكا سێيێدا، و ژ پشكا سێيێ دكه‌ڤيـته د شه‌ڤێت كتدا، پا زێده‌تر مه چ دڤێت! و نه‌هاته ئاشكراكرن دا پتر ژ شه‌ڤه‌كێ ژ ره‌مه‌زانێ ساخكه‌ين، و هۆسا بگه‌هينه دوو خێران، خێرا له‌يله‌تولقه‌در و خێرا ساخكرنا شه‌ڤێت ره‌مه‌زانێ و خودێ چێتر دزانيت.
