ب : یێ شیانیت حه‌جێ نه‌بن حه‌ج ل سه‌ر وی نینه، و خودێ لی ناگریت چونكی مه‌رجێ حه‌جێ شیانه، هه‌رگاڤا شیان نه‌بوون حه‌ج واجب نینه، له‌وا خودایێ مه‌زن دبێژیت: (وَللَّهِ عَلَى النَّاسِ حِجُّ الْبَيْتِ مَنِ اسْتَطَاعَ إِلَيْهِ سَبِيلاً) و هه‌كه ده‌ستپیكی بزانیت شیان نینن، و ل گه‌ل هندێ ژی ناڤێ خۆ بنڤیسیت، و ركه‌به‌ریێ ل گه‌ل وان بكه‌ت یێت حه‌ج ل سه‌ر واجب و بشێن بچنه حه‌جێ، ئه‌ز دبینم ئه‌و ب ڤی كاری یێ گونه‌هكاره؛ چونكی ئه‌ڤه دبیته رێگری ل وان یێت حه‌ج ل سه‌ر فه‌رز و خودان شیان، به‌لێ هه‌كه ده‌مێ ناڤێ خۆ نڤیسی شیان هه‌بوون، به‌لێ هه‌تا ناڤێ وی ده‌ركه‌فتی كاودان و ره‌وش هاته گوهرین و شیان نه‌مان، هنگی نه‌یێ گونه‌هكاره، به‌لێ نه بۆ وی و نه بۆ یێ ئێكێ دورسته ئه‌و جهێ خۆ ب فرۆشیت، به‌رامبه‌ر پاره و نابیت جهێ حه‌جی بازرگانی پی بێته‌كرن، و هه‌كه فرۆت یێ گونه‌هكاره، و نابیت ئه‌و چ پاران به‌رامبه‌ر جهێ خۆ وه‌رگریت، ژ بلی وان پاره‌ێت وی دوموعه‌لاندا مه‌زاختین، ئه‌و قه‌ده‌ر دورسته، به‌لێ ب فروشیت نه دورسته و حه‌رامه و خودێ چێتر دزانیت.
