ب / جوداهيا د ناڤبه‌را حه‌ج و عومرێدا يا د حوكم و كار و كرياراندا هه‌ى، حه‌ج دويف تێكرايا موسلمانان شه‌نگسته و روكنه‌كێ ئيسلامێيه، و هه‌ركه‌سێ شيانێت حه‌جێ هه‌بن واجبه ل سه‌ر بچيته حه‌جێ و هه‌كه نه‌چۆ يێ گونه‌هكاره و حه‌ج ژ سه‌ر نارابيت، و دڤێت ب مالێ وى ـ به‌رى بێته لێكڤه‌كرن ـ حه‌ج بۆ بێته‌كرن، به‌لێ عومره سونه‌ته‌كا مسۆگه‌ره يان واجبه ل سه‌ر جوداهيا د ناڤبه‌را زاناياندا، و جوداهيا د ناڤبه‌را كار و كريارێت واندا، دڤێت ئيحرام بۆ هه‌ردووكان ل جهێ ئيحرام به‌ستنان بێنه به‌ستن، ديسا هه‌ردووكان ته‌واف و هاتن و چۆن د ناڤبه‌را سه‌فا و مه‌روايێدا و پرچ تراشين يان پرچ كورتكرن يا هه‌ي و حه‌جێ راوه‌ستيانا عه‌ره‌فێ و به‌ر هاڤێتنا شه‌يتنان پتر يا تێدا و كا كيژ دێ به‌راهيێ هێته كرن هه‌كه گه‌هشته مه‌كه‌هێ ئه‌ڤه ل دويف ئنيه‌تا وى دمينيت، هه‌كه ئنيه‌تا حه‌جا ته‌مه‌توع كر هنگى دێ عومرێ به‌راهيێ كه‌ت پاشى بۆ حه‌جێ دێ ئيحراما ل جهێ نڤستنا خۆ ل مه‌كه‌هێ به‌ستيت و گرێده‌ت، و هه‌كه ئنيه‌تا حه‌جا ئيفراد ئينا هنگى دێ به‌راهيێ حه‌جێ كه‌ت پاشى دێ عومرا خۆ كه‌ت و خودێ چێتر دزانيت.
