ب / زانا د ڤێ پرسێدا دوو بۆچۆنن:
بۆچۆنا ئێكێ: حه‌جا به‌دل دڤێت ل جهێ وى يێ حه‌ج پێشڤه دهێته‌كرن بێته‌كرن، چونكى حه‌ج ل وى جهي يا ل سه‌ر واجب بووى، و دڤێت يێ پێشڤه حه‌جێ دكه‌ت، ژ جهێ وى بچيت، و ئه‌ڤه مه‌زهه‌بێ حه‌نه‌فيا و مالكيانه د راستا حه‌جا نه‌زردا، و حه‌جا وى يێ وه‌سيه‌ت كرى، و مه‌زهه‌بێ حه‌نبه‌ليانه و بۆچۆنا حه‌سه‌ن به‌سريه (خودێ ژێ رازي بيت)و ئيسحاقێ كورێ راهه‌ويهيه (خودێ ژێ رازى بيت).
بۆچۆنا دووێ: دورسته ل جهێ ئيحرام به‌ستنان ئنيه‌تا حه‌جێ بۆ بێته ئينان و مه‌رج نينه ل جهێ وى يێ حه‌ج ل سه‌ر واجب بووى، و پێشڤه دهێته‌كرن، ئنيه‌ت بێته‌ئينان، چونكى ئيحرام به‌ستن واجب نابن ل جهێ ميقاتي نه‌بيت، و ئه‌ڤه مه‌زهه‌بێ شافعيانه و ڤه‌گێره‌كه ژ مه‌زهه‌بێ حه‌نه‌فيان و حه‌نبه‌ليان و ئه‌ڤ بۆچۆنه ب هێزتره به‌لێ بۆچۆنا ئێكێ پتر د خێرا ويدايه يێ حه‌ج بۆ دهێته‌كرن؛ چونكى پتر جهێ باوه‌رێيه و هه‌ر كاره‌كێ درێژيا ڤێ خێرێ ئه‌ڤه بكه‌ت ئه‌وێ حه‌ج بۆ دهێته‌كرن پشكداره د وێ خێرێدا، و ئه‌ڤا دى د ڤى زه‌مانيدا، يێ وژدان تێدا سست بووى، و باوه‌رى تێدا له‌واز بووى، جهێ هندێيه دورستى حه‌ج نه‌هێته‌كرن و گه‌له‌ك كه‌س بۆ خۆ دكه‌نه ده‌رگه‌هه‌كێ رزقدارى و رزقخوازيێ، و دبييت ئه‌ڤه ببيته ئه‌گه‌رێ هندێ مرۆڤێت نه‌باش و بێ وژدان و خراب ب ڤى كارى رابن؛ ژبه‌ر ب ده‌ستڤه‌ئينانا رزقى، و يێ ب ڤێ روحێ ژى ب ڤى كارى راببيت حه‌قێ وێ ناده‌تێ، له‌وا ئه‌ز بۆچۆنا دووێ دورست ددانم به‌لێ ئه‌ز ته‌شجيعێ بۆ ناكه‌م ژبه‌ر وان مه‌ترسيێت من گۆتين و ئه‌و مه‌ترسى نه‌خياله حه‌قيقه‌ت و راستيه و خودێ چێتر دزانيت.
