ب / ب راستى ل دۆر رامان و مه‌خسه‌دا ڤێ په‌يڤێ (( مَنِ اسْتَطَاعَ)) پتر ژ بۆچۆنه‌كێ يێت هه‌ين، ل ده‌ف حه‌نه‌فيان: پێچێبوون و ئستيتاعه ئه‌ڤه‌يه: ئاميرێ چۆنێ و خوارنا رێكێ و مه‌سره‌فێ چۆن و هاتنێ و مه‌سره‌فا مالا خۆ هه‌بيت هه‌تا دزڤريته‌ڤه و رێك يا ئێمن بيت، و ل ده‌ف مالكيان: شيان هه‌بن بگه‌هيته مه‌كه‌هآ چ ب پيان يان ب ئاميره‌كى، و مه‌سره‌ف و خوارنا رێكێ، هه‌رئێكى ل دويف ويه، مه‌سره‌فێ هه‌ميان وه‌كى ئێك نينه، ڤێجا هه‌رئێكێ ل دويف خۆ پێچێ بوو دڤێت بچيت و وى پێچێبوون و ئستيتاعه يا هه‌ى، و ل ده‌ف شافعيان: پێچێبوون و ئستيتاعه دوو ره‌نگن پێچێبوون و ئستيتاعا ب خۆ، و يا ب ئێكێ دى، ئانكو ب غه‌يرى خۆ، يا ب خۆ ئه‌ڤه‌يه: ئاميره‌ت و مه‌سره‌ف و ئێمنيا رێكى و ساخله‌ميا له‌شى و د وه‌ختێ حه‌جێدا ب گه‌هيتێ، و پێچێبوون و ئستيتاعا ب ئێكێ دى، ئانكو: ئێك ته ببه‌ت هه‌ركه‌سێ هه‌بيت، و ره‌ئيا غه‌يرى مالكيان دورستره دڤێت ئاميره و مه‌سره‌ف و دگه‌ل مه‌رجێت دى هه‌بن و يێ شيان نه‌بن حه‌ج ل سه‌ر وى نينه و خودێ چێتر دزانيت.
