ب / هه‌رگاڤا موسلماني شيان هه‌بن ـ چ ژن بيت چ زه‌لام ـ حه‌ج ل سه‌ر واجبه، و چو جوداهي د ناڤبه‌را ژن و مێراندا نينه، و به‌رى شيانێ د بالغ و عاقل بن، به‌لێ هنده زانايان دوو مه‌رجێت دى بۆ ژنێ زێده‌كرينه، ئێك: مه‌حره‌م يان زه‌لامێ وێ دگه‌ل بيت. دوو: نه د ژڤان و عيددا به‌ردان و مرنا زه‌لاميدا بيت، هه‌رچه‌نده شافعي و مالكى هه‌ڤالينيا ئێمن و جهێ باوه‌رێ، جهێ مه‌حره‌مى ددانن، و ئه‌ڤه يا دورسته، و ل ده‌ف ئيمام ئبن حه‌زم (خودێ ژێ رازي بيت)مه‌حره‌م نه‌مه‌رجه، و هه‌كه ژنێ شيانێت حه‌جێ هه‌بن و حه‌ج ل سه‌ر كه‌فت دڤێت بچيته حه‌جێ ـ مه‌حره‌م هه‌بيت يان نه‌بيت ، و ل دۆر مه‌رجێ عيددێ و ژڤانێ موحه‌ممه‌د بن حه‌سه‌ن و ئه‌بى يوسف خودآژ هه‌ردوويان رازى بيت، دبێژن: هه‌كه مه‌حره‌م هه‌بوو دشێت ده‌ركه‌ڤيت بۆ حه‌جێ و بلا د ژڤانيدا بيت، چونكى دبيت پشتى هنگى مه‌حره‌م ب ده‌ست نه‌كه‌ڤيت، و ب راستى ئه‌ز ڤێ بۆچۆنێ باشتر و دورستر ددانم و خودێ چێتر دزانيت.
