ب / هه‌كه سستى و خه‌مسارى نه‌كربيت نه‌يێ گونه‌هكاره، به‌لێ هه‌كه ته‌خسيرى و خه‌مسارى و سستى كربيت و ده‌ليڤه چه‌ند جاران بۆ چێ ببيت، به‌لێ ژ خه‌مسارى حه‌جا خۆ نه‌كريه يێ گونه‌هكاره، و حه‌ج ل سه‌ر نارابيت، به‌لێ هه‌كه خه‌مسارى و سستى نه‌كربيت و ده‌ليڤه بۆ نه‌چێبوويه نه‌يێ گونه‌هكاره، و ده‌ف شافعيان و حه‌نبه‌ليان دڤێت حه‌ج پێشڤه بێته‌كرن، و به‌رى ميراتێ وى بێته لێكڤه‌كرن، دڤێت حه‌ج بۆ بێته‌كرن، و يێ ما ژ نوى دێ هێته لێكڤه‌كرن بۆ ميراتخۆران، و ده‌ف مالكي و حه‌نه‌فيان هه‌كه مر و حه‌ج نه‌كربيت، هه‌كه به‌رى بمريت وه‌سيه‌ت كربيت حه‌ج پێشڤه بێته‌كرن ب سێكا مالێ وى حه‌ج دێ بۆ هێته‌كرن، و هه‌كه وه‌سيه‌ت نه‌كربيت حه‌ج پێشڤه ناهێته‌كرن؛ چونكى حه‌ج عيباده‌ته‌كێ به‌ده‌نيه و ب مرنێ ل سه‌ر مرۆڤى رادبيت وه‌كى نڤێژآ، به‌لێ ئه‌ز بۆچۆنا ئێكێ دورستر ددانم، چونكى به‌لگه و نيشان پتر نيشانيێ بۆ هندێ دكه‌ن.
ئبن عه‌باس (خودێ ژێ رازي بيت)دبێژيت: ژنه‌كێ گۆته پێغه‌مبه‌رێ خودێ (سلاڤێت خودێ لێ بن) دايكا وێ يا مرى و حه‌ج نه‌كريه دێ حه‌ج گه‌هيتێ ئه‌و پێشڤه حه‌جێ بكه‌ت؟ پێغه‌مبه‌رێ خودێ (سلاڤێت خودێ لێ بن) گۆت: ((به‌لێ)). هه‌ر ديسا ئبن عه‌باس (خودێ ژێ رازي بيت)دبێژيت: ژنه‌كێ پسيارا بابێ خۆ ژ پێغه‌مبه‌رێ خودێ كر (سلاڤێت خودێ لێ بن) يێ مرى و حه‌ج نه‌كريه؟ پێغه‌مبه‌رێ خودێ (سلاڤێت خودێ لێ بن) گۆتێ: ((حه‌جێ پێش بابێ خۆڤه بكه)) و خودێ چێتر دزانيت.
