ب / زانايێ ناڤدار ئبن مونزر (خودێ ژێ رازي بيت)دبێژيت: زانا هه‌مي پێكڤه دبێژن: ئه‌وێ ساخله‌م و شيان هه‌بن ب خۆ بچيته حه‌جێ نابيت ئه‌و كه‌سێ پێش خۆڤه فرێكه‌ت و نابيت كه‌س پێش ويڤه بكه‌ت ژى، و دڤێت ئه‌و ب خۆ پێش خۆڤه بچيت، ماده‌م يێ سه‌رخۆيه و يێ ساخله‌مه، به‌لێ ژبلى ڤى زانا ل سه‌ر د جودانه:
ئێك: يێ نه‌خۆش نه‌خۆشيه‌كا ب دۆم و گران و ناف نڤينى و شه‌له‌لى يان دانعومر ب ره‌نگه‌كێ وه‌سا شيان نه‌بن ب خۆ بچيته حه‌جێ ئه‌ڤێ ڤى ره‌نگى زانا د راستا ويدا د جودانه ل سه‌ر سێ بۆچۆنان:
ئێك: دورسته حه‌ج پێشڤه بێتكرن و هه‌كه يێ زه‌نگين بيت و حه‌ج ل سه‌ر بيت دڤێت ئه‌و ئێكى پێش خۆڤه فرێكه‌ته حه‌جێ و حه‌ج بۆ بێته‌كرن، و ئه‌ڤه بۆچۆنا شافعيان و حه‌نبه‌ليان و زاهريانه و ڤه‌گێره‌كه ژ ئه‌بو حه‌نيفه و هه‌لبژارتنا هه‌ردوو هه‌ڤالێت ويه و ب هێزترين به‌لگه‌يێ ڤان ريوايه‌تا بوخارى و موسلميه، ئبن عه‌باس (خودێ ژێ رازي بيت)دبێژيت: ژنه‌ك هاته ده‌ف پێغه‌مبه‌رى (سلاڤێت خودێ لێ بن) گۆتێ: يا پێغه‌مبه‌رێ خودێ.. فه‌رزا خودێ حه‌ج پيراتى يا ل سه‌ر بابێ من كه‌فت و ئه‌و خۆ ل سه‌ر ده‌وارى ناگريت، ئه‌ز پێشڤه حه‌جێ بكه‌م؟ گۆت: ((به‌لێ)). ديسا ئه‌بى ره‌زينێ عه‌قيلى هاته ده‌ف پێغه‌مبه‌رێ خودێ (سلاڤێت خودێ لێ بن) گۆتێ: يا پێغه‌مبه‌رێ خودێ.. بابێ من پيره‌مێره‌كێ مه‌زنه نه دشێت حه‌جێ بكه‌ت نه عومرێ، و نه دشێت رێڤه بچيت؟ ئينا گۆتێ: ((پێش بابێ خۆڤه حه‌جێ و عومرێ بكه)).
دوو: ئه‌ڤێ ژ پيراتيێ يان ژ نه‌خۆشيه‌كا ب دۆم نه‌شێت بچيته حه‌جێ.. حه‌ج ل سه‌ر نينه ـ بلا يێ زه‌نگين ژى بيت ـ و ل سه‌ر واجب نينه، ئه‌و ئێكى پێش خۆڤه فرێكه‌ته حه‌جێ، به‌لێ هه‌كه ئێكى فرێكه‌ت، يان ئێك پێشڤه بكه‌ت دورسته، به‌لێ ل سه‌ر وى نه‌واجبه، و ئه‌ڤه بۆچۆنا حه‌نه‌فيانه، به‌لگه‌يێ ڤان گۆتنا خودێيه (( وَلِلَّهِ عَلَى النَّاسِ حِجُّ الْبَيْتِ مَنِ اسْتَطَاعَ إِلَيْهِ سَبِيلًا)) و ئه‌ڤه نه‌شێت.
سێ: هندى يێ ساخ بيت، نابيت حه‌ج پێشڤه بێته‌كرن، و ئه‌ڤه بۆچۆنا مالكيانه، و ب راستى ئه‌ز بۆچۆنا ئێكێ ب هێزتر ددانم، چونكى به‌لگه و ده‌ليلێت وآ ب هێزن و خودێ چێتر دزانيت.
