ب / زانا د راستا ڤى مرۆڤيدا دوو بۆچۆنن:
ئێك: دورسته حه‌ج بۆ بێته‌كرن، به‌لێ هه‌رگاڤا ب سلامه‌ت كه‌فت، يان زيندانى ده‌ركه‌فت و شيان بچنه حه‌جێ دڤێت بچنه حه‌جێ، و حه‌ج د ڤى كراسيدا ل سه‌ر وان نارابيت، به‌لێ هه‌كه ئه‌وێ نه‌ساخ نه‌رابووڤه و زيندانى د زيندانێدا مر.. حه‌جا وان يا دورسته و حه‌ج ل سه‌ر وان رابوو، و ئه‌ڤه مه‌زهه‌بێ حه‌نه‌فيانه و ريوايه‌ته‌كه ژ شافعيان.
دوو: نه‌دورسته حه‌ج پێش ڤانڤه بێته‌كرن هندى د ساخ بن، چونكى هيڤيا ل پێشيا هه‌ردووكان، ئه‌ڤێ نه‌ساخيا وى يا به‌روه‌خت هيڤى هه‌يه ساخ ببيت و يێ زيندانكرى هيڤى هه‌يه ده‌ركه‌ڤيت.
و ب راستى ئه‌ز بۆچۆنا ئێكێ ب هێزتر ددانم، به‌لێ ب وى مه‌رجێ هاتيه دانان هه‌رگاڤا نه‌ساخي سلامه‌تيا خۆ زڤراند و زينداني ئازا بوو دڤێت بكه‌نه‌ڤه و خودێ چێتر دزانيت.
