ب / هه‌كه بچويك يێ بسپۆر و فاما بيت، وه‌كى زه‌لامى دێ ئيحراما به‌ستيت و ئنيه‌تێ ئينيت و ته‌لبيان كه‌ت، و بچويكێ نه‌فاما دايباب دێ ئيحرامان كه‌نه به‌ر و پێشڤه دێ ئنيه‌تێ ئينن، و دێ چيته هه‌مى جهێت حه‌جێ، و دايباب شوينا وان دێ به‌رێت ره‌جمێ هاڤێژن، و خێرا حه‌جێ بۆ وان و دايبابێت وان هێته نڤێسين، به‌لگه ژى حه‌ديسا ئبن عه‌باسيه (خودێ ژێ رازي بيت)ئه‌وا د موسلمێدا هاتي: ئبن عه‌باس خودێ ژ هه‌ردوويان رازى بيت، دبێژيت: پێغه‌مبه‌رێ خودێ (سلاڤێت خودێ لێ بن) كاروانه‌ك ل ره‌وحائێ ديت، گۆت: ((هوين كينه؟)) گۆتن: ئه‌م موسلمانين، و گۆتن: تو كى؟ گۆت: ((ئه‌ز پێغه‌مبه‌رێ خودێمه))، ژنه‌كێ بچويكه‌ك به‌رڤه بلندكر و گۆت: خێرا حه‌جێ دێ بۆ هه‌بيت؟ گۆت: ((به‌لێ و بۆ ته خێره)) و خودێ چێتر دزانيت.
