ب / ل دويف مه‌زهه‌بێ حه‌نه‌فيان و زه‌يديان، ئيحرام به‌ستنا وى نه‌يا دورسته، چونكى ل ده‌ف وان ته‌لبيه مه‌رجه‌كه ژ مه‌رجێت ئيحرام به‌ستنێ، و مالكى دبێژن: هه‌كه پشتى ئيحرامێ ده‌مه‌كێ كێم بيرا وى هاتێ، دێ بێژيت: و چويێ دى ل سه‌ر نينه، به‌لێ هه‌كه پشتى ده‌مه‌كێ درێژ بيرا وى هاتێ، دێ بێژيت، و دڤێت خوينه‌كێ ژى بده‌ت، و دويف مه‌زهه‌بێ شافعيان و حه‌نبه‌ليان ته‌لبيه گۆتن دويف ئنيه‌ت ئينانێ و ئيحرام به‌ستنێ سونه‌ته، نه واجبه هه‌كه ئێكێ ژبيركر چو ل سه‌ر نينه، و حه‌ج و عومرا وى يا دورسته، و ئه‌ڤ بۆچۆنه دورستتره، چونكى چو حه‌ديس بۆ مه ژ پێغه‌مبه‌رى (سلاڤێت خودێ لێ بن) نه‌هاتينه ڤه‌گۆهاستن ل سه‌ر واجبيا ته‌لبيان و خودێ چێتر دزانيت.
