ب / دڤێت حه‌جى به‌رى مه‌غره‌ب ژ عه‌ره‌فێ نه‌ده‌ركه‌ڤن و بمينن هه‌تا رۆژ ئاڤابوونێ، و هه‌رگاڤا رۆژ ئاڤابوو، بۆ وان هه‌يه عه‌ره‌فێ بهێلن و قه‌ستا موزده‌ليفێ بكه‌ن، و هه‌ركه‌سێ عه‌ره‌فه به‌رى رۆژ ئاڤابوونێ هێلا وى خه‌له‌تيكر، و دويف مالكيان حه‌جا وى نه‌يا دورسته، چونكى شه‌نگستێ ژ هه‌ميان سه‌ره‌كيتر هێلا، به‌لێ جه‌ماهيرێ زانايان ژ مه‌زهه‌بێت دى نه‌دگه‌ل بۆچۆنا مالكيانه ماده‌م ئه‌و پارچه‌كێ ژ ده‌مێ عه‌ره‌فێ مايه ل عه‌ره‌فێ؛ عه‌ره‌فه بۆ حسێبه و حه‌جا وى نه‌يا به‌تاله، به‌لێ وى خه‌له‌تيكر و فيديه دكه‌ڤيته سه‌ر، دڤێت قوربانى بده‌ت و حه‌جا وى يا دورسته، و هه‌كه زڤريڤه عه‌ره‌فێ و پشكه‌ك بلا يا كێم ژى بيت ژ شه‌ڤێ ما، حه‌جا وى يا دورسته و چو ل سه‌ر نينه، و ئه‌ڤه مه‌زهه‌بێ مالكى و شافعي و حه‌نبه‌ليانه و خودێ چێتر دزانيت.
