ب / ده‌ستنڤێژگرتن بۆ ته‌وافێ جهێ جودابوونێيه د ناڤبه‌را زاناياندا، باراپتر ژ زانايان دبێژن: ده‌ستنڤێژ بۆ ته‌وافێ مه‌رجێ دورستبوونا وێيه، و هه‌كه ده‌ستنڤێژ نه‌بيت ته‌واف نه‌يا دورسته، و ئه‌ڤه مه‌زهه‌بێ مالكى و شافعي و مالكيانه، و دويف ڤێ بۆچۆنێ ته‌وافا ته نه‌يا دورسته و ڤيابا تو ده‌ركه‌تبايه و ته ده‌ستنڤێژا خۆ نويكربا، و تو زڤريبايه‌ڤه، و ته ته‌وافا خۆ ل وى جهى تمامكربا يێ ته ده‌ستنڤێژا خۆ لێ ئێخستى، به‌لێ حه‌نه‌فى و مالكى و ئيمام ئه‌حمد د گۆتنه‌كێدا و عه‌تاء و حه‌مادێ كورێ سوله‌يمانى و حه‌كه‌مێ كورێ عوتبه‌ى ژ تابعيان دبێژن: ده‌ستنڤێژ نه‌مه‌رجێ دورستبوونا ته‌وافێيه و ته‌وافا ته يا دورسته، و ئيمام ئبن ته‌يمييه (خودێ ژێ رازي بيت)ڤێ بۆچۆنێ دورستتر ددانيت، چونكى مه چو ده‌ليل نين ئاشكرابكه‌ن ده‌ستنڤێژ بۆ ته‌وافێ واجب بيت، و ب راستى ئه‌ز ب خۆ ژى ڤێ بۆچۆنێ ب هێزتر و دورستتر دبينم و خودێ چێتر دزانيت.
