ب / ده‌سپێكێ پێدڤيه هه‌ركه‌سێ دچيته حه‌جێ، ئنيه‌تا خۆ دورست بكه‌ت، و ئنيه‌تا وى به‌س حه‌ج ب تنێ بيت، و چو تشتێت دى نه‌بيت، و وى چو ئارمانجێت دى نه‌بن، به‌لێ هه‌كه دگه‌ل ده‌ستێ خۆ وه‌كى دئێته‌ڤه بۆ خۆ تشته‌كى بكريت چ بۆ فايده‌يه‌كى يان بۆ دياريه‌كێ، چو تێدا نينه و نه‌گونه‌هه، و يا خه‌له‌ته، هه‌كه حه‌جيه‌ك بۆ خۆ تشته‌كي بينيت هنده‌ك بێژنێ ما ئه‌ڤه چۆيه حه‌جێ يان بازرگانيێ، ئه‌ڤ مرۆڤه د گونه‌هكارن؛ چونكى ئه‌و ژ ده‌ف خۆ دئاخڤن و ئه‌حكامان دده‌ن بێى كو تشته‌كى ژ شه‌ريعه‌تى بزانن. خودايێ مه‌زن دبێژيت:((لَيْسَ عَلَيْكُمْ جُنَاحٌ أَن تَبْتَغُوا فَضْلًا مِّن رَّبِّكُمْ)) ئبن عه‌باس (خودێ ژێ رازي بيت)و غه‌يرى وى ژى دبێژن: ته‌فسيرا ڤێ ئايه‌تێ ئه‌ڤه‌يه: چو گونه‌ه بۆ هه‌وه تێدا نينه هوين ده‌مێ حه‌جێ؛ بارزگانيێ بكه‌ن. به‌لێ پا پێدڤيه ئارمانجا ئێكێ و يا دويماهيێ ژ چۆنا حه‌جێ، حه‌ج بيت و خودايێ مه‌زن بيت و خودێ چێتر دزانيت.
