ب / ئه‌و ب خۆ پێدڤيه ده‌مێ تو ب ته‌يارێ دچى تو ته‌خمينكه‌ى و بزانى كه‌نگى ته‌ياره دێ گه‌هيته هنداڤى ميقاتێ جهێ ئيحرام به‌ستنێ، و دڤێت به‌رى ته‌ياره ژ وى جهى ببۆريت تو ئنيه‌تا خۆ بينى و ئيحرامان گرێده‌ى و د ته‌يارێدا ته‌لبيان بكه‌ى، به‌لێ هه‌كه تو بێژى ئه‌ز نه‌شێم بزانم كا كه‌نگى دێ گه‌هيته هنداڤى وى جهى پا ئه‌ز چ بكه‌م؟ د ڤى كراسيدا ل مه‌تارخانه‌يێ ئيحرامان گرێده و ئنيه‌تا خۆ بينه، و هه‌كه جهێ سه‌رشويشتنێ ل مه‌تارخانه‌يێ هه‌بيت ل وێرێ سه‌رێ خۆ بشۆ و دوو ركاعه‌تان بكه و ئيحرامان گرێده و ئنيه‌تا خۆ بينه كا مه‌خسه‌دا ته چ ره‌نگێ حه‌جێيه و ته‌لبيان (لَبَّيْكَ اللهم لَبَّيْكَ...) هه‌ر ل مه‌تارخانه‌يێ ده‌ست پێ بكه و خودێ چێتر دزانيت.
